» » Prezident İlham Əliyev Bakıya gətirilən yeni elektrik qatarı ilə tanış olub- Fotolar

Prezident İlham Əliyev Bakıya gətirilən yeni elektrik qatarı ilə tanış olub- Fotolar

Bölmə: BLOK XƏBƏR, MANŞET
Prezident İlham Əliyev Bakıya gətirilən yeni elektrik qatarı ilə tanış olub- Fotolar


Xalqinfo.az xəbər verir ki, Azərbaycan prezidenti İlham Əliyev Bakıya gətirilən yeni elektrik qatarı ilə tanış olub.

APA-nın məlumatına görə, nəqliyyat naziri Ziya Məmmədov və “Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanov dövlət başçısına Bakı-Sumqayıt-Bakı dairəvi dəmir yolunda həyata keçirilən yenidənqurma işləri barədə məlumat veriblər.

Qeyd edilib ki, uzunluğu 91 kilometr olan yolun ikixətli hissəsi 85, birxətli hissəsi isə 4,4 kilometrdir. Qalan 1,6 kilometrlik birxətli yolun tikintisi nəzərdə tutulur. Bakı-Sumqayıt-Bakı dairəvi dəmir yolu iki hissəyə bölünməklə yenidən qurulur. Birinci hissəyə daxil olan Bakı-Biləcəri-Sumqayıt xətti 42, ikinci - Bakı-Zabrat-Sumqayıt xətti isə 49 kilometrdir. Yolun 55 kilometrdən çox hissəsində yenidənqurma işləri artıq başa çatdırılıb.

Dövlət başçısına Bakı şəhəri-Heydər Əliyev Beynəlxalq Aeroportu dəmir yolu xəttinin layihəsi barədə də məlumat verilib. Uzunluğu 25 kilometr olacaq bu dəmir yolu xətti şəhərdə sərnişin sıxlığının aradan qaldırılmasında mühüm rol oynayacaq.

Sonra prezident İlham Əliyev yeni elektrik qatarında yaradılan şəraitlə tanış olub.

“Stadler Rail Group” şirkətinin “Stadler Minsk” zavodunda istehsal olunmuş “KISS” markalı elektrik qatarlarının hər birində 4 vaqon var. Qatarlarda sərnişinlər üçün hər cür şərait yaradılıb. Ümumi sərnişin tutumu 919 nəfər olan hər bir qatarda 396 oturacaq var ki, onlardan da 84-ü biznes-klasdır. İkimərtəbəli elektrik qatarları birinci Avropa Oyunları zamanı Bakı sərnişin stansiyası ilə metronun “Koroğlu” stansiyası arasında fəaliyyət göstərəcək, sonralar isə Bakı-Xırdalan-Sumqayıt sərnişin sahəsində istifadəyə buraxılacaq. Yeni dəmir yolu xəttində dayanacaqlar nəzərə alınmaqla qatarların orta sürəti saatda 63 kilometr təşkil edəcək.

Qeyd edilib ki, Bakı-Biləcəri-Sumqayıt xəttində elektrik qatarları əvvəllər mənzil başına 1 saat 22 dəqiqəyə çatırdısa, yenidənqurma işlərindən sonra bu vaxt 40 dəqiqə olacaq. Bakı-Zabrat-Sumqayıt xətti üzrə isə hazırda qatarlar mənzil başına 1 saat 29 dəqiqəyə çatır. Lakin yenidənqurmadan sonra vaxt fərqi 52 dəqiqəyə enəcək. Dairəvi dəmir yolu üzərində 23 stansiya və dayanacaq olacaq. Yenidənqurma işləri başa çatdıqdan sonra yolun Bakı-Biləcəri-
Sumqayıt hissəsində 3 - Keşlə, Biləcəri, Xırdalan və Bakı-Zabrat-Sumqayıt hissəsində isə 5 - “Koroğlu”, Bakıxanov, Sabunçu, Zabrat, Pirşağı dayanacaqlarının olması nəzərdə tutulur.

Prezident İlham Əliyev qatarı idarə edib.

Bildirilib ki, sutka ərzində bu dəmir yolu ilə 30-35 min sərnişinin daşınması proqnozlaşdırılır.

Prezident İlham Əliyev Bakıya gətirilən yeni elektrik qatarı ilə tanış olub- Fotolar
Prezident İlham Əliyev Bakıya gətirilən yeni elektrik qatarı ilə tanış olub- Fotolar
Prezident İlham Əliyev Bakıya gətirilən yeni elektrik qatarı ilə tanış olub- Fotolar
Prezident İlham Əliyev Bakıya gətirilən yeni elektrik qatarı ilə tanış olub- Fotolar
Prezident İlham Əliyev Bakıya gətirilən yeni elektrik qatarı ilə tanış olub- Fotolar
Prezident İlham Əliyev Bakıya gətirilən yeni elektrik qatarı ilə tanış olub- Fotolar
Prezident İlham Əliyev Bakıya gətirilən yeni elektrik qatarı ilə tanış olub- Fotolar
Prezident İlham Əliyev Bakıya gətirilən yeni elektrik qatarı ilə tanış olub- Fotolar

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler