Ərdoğanı dinləyənlərə ömürlük həbsBölmə: BLOK XƏBƏR
 Türkiyə rəhbərliyinin, o cümlədən prezident Rəcəb Tayyib Ərdoğanın telefon danışıqlarının gizlicə dinlənilməsini araşdıran Gölbaşı şəhər prokurorluğu ittiham edilən 28 nəfərə ömürlük həbs cəzası verilməsini tələb edib. Virtualaz.org saytı xarici KİV-lərə istinadən xəbər verir ki, Türkiyə rəhbərliyinin danışıqlarının gizlicə və qanunsuz dinlənilməsi faktları üzrə araşdırmalar yekunlaşıb və ittiham aktı Ankara prokurorluğunun təsdiqinə göndərilib. “Hürriyet” qəzeti bundan əvvəl bildirmişdi ki, bu iş üzrə adı keçən və Gölbaşı prokuroluğu tərəfindən ömürlük həbs istənən 28 nəfər casusluqda, dövlətə xəyanətdə, şifrəli və adi telefon danışıqlarının qanunsuz dinləməkdə suçlanır. Elmi-Texnoloji Təhqiqat Şurasının (TUBİTAK) və Türkiyə Telekommunikasiya Departamentinin (TİB) keçmiş rəhbərləri də ittiham olunanlar arasındadır. İttiham aktına görə, Türkiyə rəhbərliyinə daxil olan şəxslərin telefon danışıqlarının dinlənilməsinə dair 349 fakt artıq sübuta yetirilib. İş üzrə ən əsas zərərçəkən Ərdoğandır. Telefon danışığı dinlənilən şəxslər arasında Türkiyə kəşfiyyatının şefi Hakan Fidan da var. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
