Oğul anasını bıçaqladı -
5-01-2017, 21:58. Yerləşdirdi: sefa
Gəncə şəhərində oğul anasını bıçaqlayıb.
"Xalqinfo" “Report”a istinadən xəbər verir ki, hadisə axşam saatlarında şəhərin Avtozavod qəsəbəsində qeydə alınıb.
Şəhər sakini, 1970-ci il təvəllüdlü Hüseynova Nargilə İsrail qızı öz oğlu Aqil tərəfindən bıçaqlanıb. Yaralı xəstəxanaya yerləşdirilib. Hər iki bud nahiyəsindən bıçaqlanan qadının vəziyyətinin orta-ağır olduğu bildirilir.
Gəncə Şəhər Baş Polis İdarəsindən verilən məlumata görə, N.Hüseynova həmin ərazidə kirayədə yaşayır. Oğlu Aqil dəfələrlə anasından pul istəyib. Bu dəfə N.Hüseynova oğluna pulu olmadığını və ona pul verə bilməyəcəyini bildirib. Bununla razılaşmayan Aqil anasını bıçaqlayıb.
Faktla bağlı Gəncə Şəhər Baş Polis İdarəsində cinayət işi açılıb, araşdırma aparılır.
Əlaqə üçün E-mail: xalqinfo@mail.ru
BAKI. Şəfa Rasimqızı Xalqİnfo.az
Geri qayıt