Elman Nəsirov növbəti dəfə seçicilərlə videoformatda görüş keçirib

Bölmə: Xəbər

14 sentyabr 2020 16:42 Baxış: 233 Şərh: 0 Çap

Xalqinfo.az xəbər verir ki, Azərbaycan Respublikası Milli Məclisinin deputatı Elman Nəsirov sentyabrın 10-da təmsil etdiyi 68 №-li Cəlilabad kənd seçki dairəsinə daxil olan Üçtəpə kəndinin bir qrup seçicisi ilə videoformatda görüş keçirmişdir. Görüş çərçivəsində deputat Elman Nəsirov seçicilərin nəzərinə çatdırdı ki, ölkəmizdə koronavirus pandemiyasına qarşı çox ciddi addımlar atılıb və nəticələri də sevindiricidir.

Deputat qeyd edib ki, Azərbaycan Prezidenti cənab İlham Əliyevin həyata keçirdiyi siyasət bir daha göstərir ki, dövlətimiz üçün insan amili, vətəndaşların sağlamlığı, təhlükəsizliyi, ölkəmizin inkişafı və cəmiyyətimizin rifahı başlıca vəzifədir və bu məqsədə nail olmaq üçün bütün vasitələrdən istifadə olunur: “Bütün bunlarla yanaşı, qarşıda duran ən mühüm vəzifələrdən biri əldə olunmuş uğurun qorunub saxlanması və möhkəmləndirilməsidir.
Görüşdə Üçtəpə kənd sakinləri Sadıqov İlqar,İsayev Elsevər,Salmanov Miralim,Nərçəyev Xəqani,inzibati nümayəndəliyinin baş məsləhətçi-baş mühasibi Bağırov Barat,inzibati nümayəndəliyinin müavini Yarıyev Namiq,kənd bələdiyyəsinin sədri Quliyev Əmrah, ərazi nümayəndəsi Əliyev Hafiz çıxış edərək ümumilikdə kənd sakinləri adından ölkə başçısı cənab İlham Əliyevə pandemiya dövründə vətəndaşlara maddi və mənəvi dəstəyinə görə öz səmimi minnətdarlıqlarını bildirdilər,yekdilliklə qeyd etdilər ki, biz hər zaman bütün istiqamətlərdə ölkə başçısının yanındayıq və onun gördüyü bütün işlərində hər zaman dəstəyik .
Seçicilər geniş fikir mübadiləsi ilə müşaiət olunan videoformatda keçirilən görüşdə onları narahat edən bir sıra məsələləri də dilə gətirdilər. Bunlar yeni məktəb tikintisi,xəstəxananın olmaması,içməli su problemi,uşaq bağçasının əsaslı təmiri,internetim zəifliyi,elektrik xəttlərinin kabelləşməsi məsələlərinin həll olunmasını deputatın nəzərinə çatdırdılar.
Görüşün sonunda çıxış edən deputat Elman Nəsirov bildirdi ki,qaldırılan məsələlərin müsbət həlli ilə bağlı müvafiq yerli və icra hakimiyyəti orqanlarına müraciət edəcəkdir.