Bakıda redaksiyaya hücum edənlər tutuldu - VideoBölmə: Xəbər
“Yeni Zaman” – "Novoye Vremya” qəzetlərinin ofisinin naməlum şəxslər tərəfindən qarət edilməsi faktının üstü açılıb. Xalqinfo.az xəbər verir ki, bu barədə REAL-a qəzetin baş redaktoru Şakir Ağayev məlumat verib. Hadisə oktyabrın 12-nə keçən gecə baş verib. Dərhal hadisə barədə Nərimanov rayon 16 saylı polis şöbəsinə məlumat verilib, araşdırmalara başlanılıb. Mətbuat Şurasının sədri Əflatun Amaşov bildirib ki, qəzet ofisinin qarəti barədə Daxili İşlər Naziri Ramil Usubovun adına məktub göndərilərək, ondan sözügedən işi şəxsi nəzarətinə götürülməsini xahiş edib. Noyabrın 3-də baş redaktora Nərimanov Rayon Polis İdarəsinin 16-cı polis bölməsindən zəng gəlib və hadisənin törədilməsində şübhəli bilinən üç nəfərin saxlanıldığı barədə məlumat verilib. Saxlanılan şəxslər hadisə yerinə gətiriliblər və müvafiq istintaq hərəkətləri aparılıb. Baş redaktorun sözlərinə görə, saxlanılan şəxslərin 14, 21 və 23 yaşı var. Qeyd edək ki, qarət nəticəsində redaksiyaya 800 manatlıq ziyan dəyib. Şəfa Rasimqızı www.xalqinfo.az |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|