» » Nazim İbrahimov İordaniya kralı ilə görüşdü -

Nazim İbrahimov İordaniya kralı ilə görüşdü - Fotolar

Bölmə: Xəbər
Nazim İbrahimov İordaniya kralı ilə görüşdü - İordaniya Kralı II Abdullahın dəvəti ilə Nizami Gəncəvi Beynəlxalq Mərkəzinin (NGBM) ali səviyyəli nümayəndə heyəti Əmman şəhərinə səfər edib.

Diasporla İş üzrə Dövlət Komitəsindən verilən məlumata görə, nümayəndə heyətində Ukraynanın və Bolqarıstanın sabiq prezidentləri Viktor Yuşenko və Petar Stoyanov, Misirin İsgəndəriyyə Kitabxanasının sabiq direktoru, NGBM-nin həmsədri İsmayıl Serageldin, Ərəb Dövlətləri Liqasının sabiq baş katibi Əmr Musa, Serbiyanın, Xorvatiyanın və Latviyanın sabiq prezidentləri Boris Tadiç, İvo Yosipoviç və Valdis Zatlers, Bosniya və Herseqovinanın, Çexiyanın sabiq baş nazirləri Zlatko Laqumciya və Jan Fişer, “Ukrayna 3000” Beynəlxalq Xeyriyyə Fondunun Müşahidə Şurasının sədri Katerina Yuşenko və digər nüfuzlu siyasi xadimlər təmsil olunub.

Görüşdə Diasporla İş üzrə Dövlət Komitəsinin sədri Nazim İbrahimov da iştirak edib.

Kral II Abdullah bölgədə ədalətli və hərtərəfli sülhə nail olmaq məqsədilə İsrail-Fələstin sülh prosesini canlandırmaq üçün səyləri artırmağa çağırıb. O deyib ki, Qüds məsələsi yekun status və beynəlxalq qanunlar, BMT-nin müvafiq qətnamələri əsasında əldə olunmuş sülh sazişi çərçivəsində həll edilməlidir. Kral II Abdullah Fələstin məsələsi həll olunmadan bölgədə sülh və sabitliyin olmayacağını vurğulayıb. Görüşdə bölgədə böhran, terrorizmlə mübarizədə göstərilən səylər, Suriya qaçqınlarının yerləşdirilməsi ilə bağlı İordaniyanın üzləşdiyi çətinliklər də müzakirə olunub.

Nazim İbrahimov İordaniya kralı ilə görüşdü -
Nazim İbrahimov İordaniya kralı ilə görüşdü -

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler