Azərbaycanlı girovların "məhkəmə prosesi" başlayıb.Bölmə: Xəbər
Azərbaycanlı girovların Xankəndidə "məhkəmə prosesi" başlayıb. ans press-in məlumatına görə, məhkəmə hakim Anatoliya Tadevosyananın sədrliyi ilə Xankəndinin birinci instansiya məhkəməsində keçirilir. Həmyerlilərimizin hüquqlarını isə erməni vəkil Arkadi İsraelyan "müdafiə" edir. Azərbaycanlı girovlar qondarma Dağlı Qarabağ Respublikasının "qanun"larına görə ittiham olunacaq. Qeyd edək ki, bir müddət öncə Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə yaxınlarının qəbrini ziyarət edərkən Dağlıq Qarabağdakı erməni separatçılar tərəfindən girov götürülüb, digər Azərbaycan vətəndaşı Həsən Həsənov isə öldürülüb. Ermənilər öz doğma torpaqlarına səfər etdikləri üçün girov götürdükləri həmyerlilərimizi diversant adlandırırlar. Azərbaycan isə öz vətəndaşlarının qondarma rejim tərəfindən mühakiməsinin qanunsuz olduğunu bəyan edib. |
XƏBƏR LENTİ
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|