İcra başçısının yerinə işləməyə aparılan 15 nəfər yaralandı - Vəziyyətləri ağırdır Biləsuvar rayonunda yol-nəqliyyat hadisəsi baş verib. Xalqinfo.az “Report”a istinadən məlumatına görə, bu gün axşam saatlarında fəhlələri daşıyan mikroavtobus aşıb, yaralananlar var. Fəhlələr pambıq yığımından qayıdırlarmış. Faktla bağlı araşdırma aparılır. *** Sözügedən qəza ilə bağlı “BakuPost.az” saytı da xəbər yayıb. Sayt iddia edir ki, qəzada yaralananlar xəstəxanada işləyən xadimələrdir. Məlumata görə, hadisə Nəsimikənd kəndi ərazisində baş verib. Belə ki, rayonun Mərkəzi Xəstəxanasının və poliklinikanın xadimələrinin içərisində olduğu “Mercedes” markalı mikroavtobus aşıb. Hadisə nəticəsində nəqliyyat vasitəsində olan bütün xadiməçilər xəsarət alıblar. Onlar təcili rayon xəstəxanasına çatdırılıb. 15 nəfərin vəziyyətinin ağır olduğu bildirilir. Məsələnin ilginc tərəfi isə odur ki, xəstəxana və poliklinika işçiləri Biləsuvarda “Aqropark” adlanan ərazidə təsərrüfat sahəsində işləməyə aparılıbmış. Qəza isə oradan qayıdarkən olub. Həmin ərazinin rayon icra başçısı Mahir Quliyevə məxsus olduğu bildirilir. |
XƏBƏR LENTİ
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
