» » Mehman Əliyev məhkəməyə gətirilmədi

Mehman Əliyev məhkəməyə gətirilmədi

Bölmə: Xəbər
Mehman Əliyev məhkəməyə gətirilmədi
Bu gün Bakı Apellyasiya Məhkəməsində “Turan” İnformasiya Agentliyinin həbsdə olan direktoru Mehman Əliyev barəsində tutulma qərarının qanunsuz hesab edilməsi və girov müqabilində azadlığa buraxılması vəsatətləri baqda Yasamal rayon məhkəməsinin qərarlarından verilən apellyasiya şikayətlərinə baxılması gözlənilirdi.

“Qafqazinfo”nun məhkəmə önündə olan əməkdaşının verdiyi xəbərə görə, vəkil Fuad Ağayev bildirib ki, o və ittiham tərəfi məhkəmədə olsa da, M.Əliyev saat 18:00-a kimi məhkəməyə gətirilməyib.

Hakimlər bildirib ki, bu, Penitensiar Xidmətin problemidir. Buna görə də proses sentyabrın 11-nə təxirə salınıb.

İttihama görə, M.Əliyev 2010-2014-cü illərdə dövlət qeydiyyatına alınmayan qrant müqavilələri üzrə külli miqdarda, yəni 148.310 manat məbləğində qanunsuz gəlir əldə edərək qanunsuz sahibkarlıq fəaliyyəti ilə məşğul olmaqla dövlətin qanunla qorunan mənafelərinə mühüm zərər vurmasına, habelə 2010-2016-cı illərdə vergi orqanına təqdim etdiyi mənfəət vergisi bəyannamələrinə təhrif olunan məlumatlar daxil etməklə 60.080 manat məbləğində mənfəət vergisini dövlət büdcəsinə ödəməkdən yayınmasına əsaslı şübhələr olduğu müəyyən edilib.

M.Əliyev 2017-ci il avqustun 24-də şübhəli şəxs qismində saxlanılıb. Ona Cinayət Məcəlləsinin 192.2.2 (qanunsuz sahibkarlıq), 213.1 (vergi ödəməkdən yayınma) və 308.1-ci (vəzifə səlahiyyətlərindən sui-istifadə) maddələri ilə ittiham elan edilərək, Yasamal rayon Məhkəməsinin qərarı ilə barəsində həbs qətimkan tədbiri seçilib. M.Əliyev bütün ittihamları rədd edərək onları siyası motivli adlandırıb.

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler