Müəmmalı partlayış baş verdi - Yenilənib + Fotolar

Bölmə: Xəbər, BLOK XƏBƏR, MANŞET

27 avqust 2017 10:43 Baxış: 788 Şərh: 0 Çap

Xızı rayonunda Müdafiə Nazirliyinin N saylı hərbi hissəsində silah anbarında ciddi partlayış baş verib.

Xalqinfo.az-ın əldə etdiyi məlumata görə, Xızı rayonu Giləzi qəsəbəsi ərazisində ciddi böyük yanğın baş verib və partlayış, mərmi səsləri eşidilir.

Qeyd edirik ki, məsələnin nədən baş verdiyi tərəfimizdən araşdırılır.

* * *

Xızı rayonu Giləzi qəsəbəsində baş vermiş güclü partlayışla bağlı, Bakı-Quba yolu bağlanıb, avtomobillər geri göndərilir.

* * *

Hadisənin səbəblərinin öyrənilməsi və müvafiq təhlükəsizlik tədbirlərinin həyata keçirilməsi məqsədilə aidiyyəti strukturların nümayəndələrindən ibarət qrup hadisə yerindədir.

Xalqinfo.az-ın hadisə yerində olan əməkdaşının verdiyi məlumata görə, partlayışın baş verdiyi ərazilərdə yaşayış məntəqələrindən əhali evakuasiya olunur.

İndiyə olan məlumata görə həlak olan və xəsarət alan yoxdur.

Xalqinfo.az
Şəfa Rasimqızı