Şəkidə dəhşətli yanğın jurnalistə çətin anlar yaşatdı - VideoBölmə: Xəbər
 Biçindən sonra taxıl zəmilərinin yandırılması Şəkidə hektarlarla ərazini külə çevirib. ARB TV xəbər verir ki, yanğın barədə məlumat Şəki Dövlət Yanğından Mühafizə Hissəsinə səhər 11:00 radələrində daxil olsa da, yanğının ötən gündən başladığı ehtimal edilir. Yanğının qarşısını almaq üçün Qax rayonundan da kömək çağırılıb. Hektarlarla ərazini külə çevirən yanğın çəkiliş qrupumuzun işini çətinləşdirib. Yanğının məhsuldarlığın artırılması üçün biçindən sonra taxıl sahələrinin yandırılması səbəbindən baş verməsi ehtimal olunur. Mütəxəssislər isə sahənin yandırılmasının məhsuldarlığın artırılmasına müsbət təsir etmədiyini, əksinə böyük ziyanı vurduğunu bildirir. Bu cür yanğınların qarşısı alınmalı, onların geniş yayılmaması üçün lazımi tədbirlər görülməlidir. Taxıl zəmilərinin yanması təkcə sahibkarlara yox, ekologiyaya da zərbədir. |
XƏBƏR LENTİ
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
