Sürücüləri aldadan dələduzu siz də TANIYIN - Video Zığ yolunda fırıldaqcılıqla məşğul olan şəxsin videosu sosial şəbəkələrdə yayılıb. Xalqinfo.az Avtosfer.az-a istinadən xəbər verir ki, "VAZ-2107" markalı, 10 UT 489 dövlət nömrə nişanlı avtomobillə yolda dayanan şəxs oradan keçən maşınları saxlatdırıb benzin pulu adı ilə pul dilənir. Videodan da göründüyü kimi, həmin şəxs "maşının benzini bitib" deyərək yolda qaldığnı, avtomobildə ailə-uşaq olduğunu söyləyir. Ardınca isə sürücüdən 4 manat pul istəyir. Sürücü isə onun videosunu telefonla çəkərək "gəl otur, gedək benzin alaq" deyir. Lakin həmin şəxs yenə də pul istəməkdə davam edir. Az sonra isə telefonla videosunun çəkildiyini anlayaraq oradan uzaqlaşır və öz maşınına minib gedir. Videonu çəkən sürücünün "bəs, benzinin yoxuydu" replikasına isə reaksiya verməyərək yoluna davam edir. Həmin görüntüləri təqdim edirik və sürücülərin diqqətinə çatdırırıq ki, belələrinin toruna düşməsinlər. Onlar geniş şəbəkə qurublar və demək olar ki, respublikanın hər yerində qarşınıza çıxa bilərlər. Əksər hallarda "benzin qurtarıb" deyərək pul istəyirlər. Bəzən isə "ziyarətdən gəlmişəm" deyərək dini hədiyyələri baha qiymətə satmağa çalışırlar. Onlar olduqca səliqəli geyinir və normal insan təsiri bağışlamağa çalışaraq dilənçi olduqlarını gizlədirlər. Bəzən hətta avtomobildə "ailə-uşaq" kimi insanlar da olur. Onlar da bu şəbəkənin üzvləridir. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
