Türkiyədə Azərbaycan Dərnəyinin Novruz şənliyinə icazə verilmədiTürkiyənin Kocaeli vilayətində azərbaycanlılara Novruz şənliyi keçirməyə icazə verilməyib. Xalqinfo.az Türkiyə mənbələrinə istinadən xəbər verir ki, Kocaeli vilayətinin Körfəz şəhərində Körfəz Azərbaycan Kültür və Yardımlaşma Dərnəyi martın 21-də saat 19.00-da şəhər bələdiyyəsi ilə birlikdə Novruz şənliyi keçirməyə hazırlaşırdı. Bu tədbir üçün hər cür hazırlıq görülüb. Lakin Körfəz Kaymakamlığı tədbirin keçirilməsinə icazə verməyib. Dərnəyin başqanı Abdullah Salar bunları deyib: “Mərasimi Körfəz bələdiyyəsi ilə birlikdə təşkil etmişdik, hər cür hazırlıq görmüşdük. Dəvətnamələr də çap edilmişdi. Ancaq Türkiyədə elan edilmiş fövqəladə vəziyyətlə bağlı kaymakamlıq bu il Novruz şənliyinin keçirilməsinə icazə vermədi. Dövlətimizin qərarına hörmətlə yanaşırıq. Bu il Novruz şənliyi keçirməyəcəyik”. Xatırladaq ki, Türkiyədə ötən il iyulun 15-də baş vermiş hərbi çevriliş cəhdindən sonra bütün ölkə ərazisində fövqəladə vəziyyət elan edilib. Bu qərar hələ də qüvvədədir. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|