Zirəddin Rzayev qəzəbləndi və Azərbaycana MÜRACİƏT ünvanladı

Bölmə: Xəbər, BLOK XƏBƏR, MANŞET

19 mart 2017 09:11 Baxış: 261 Şərh: 0 Çap

Rusiya vətəndaşı olan tanınmış azərbaycanlı ekstrasens Zirəddin Rzayev (“ekstrasens Zirəddin” kimi tanınır) Azərbaycan mətbuatında onun barəsində dərc edilən xəbərlərdən qəzəblənərək FTX-yə yaxınlığı ilə bilinən Life.ru kanalı üzərindən müraciət yayıb.

Xalqinfo.az xəbər verir ki, Zirəddin Rzayev Rusiya vətəndaşı olduğu halda Azərbaycan mətbuatının ondan əl çəkmədiyini, sarı mətbuatın barəsində hər cür hədyan yazdığını bildirir. “Məndən nə istəyirsiniz?” deyə jurnalistlərdən soruşur.
“Siz hamınız Azərbaycanda mənim barəmdə yazmısınız ki, satanistəm, alkaşam, narkomanam, agentəm. İndi də yazmağa heç nə qalmayıb, bütün sərhədləri keçib mənə çirkab atırsınız. Bu, artıq işləmir. Özünüzü biabır etməyin. Mən Rusiya vətəndaşıyam. Rusiyada yaşayıram. Məndən nə istəyirsiniz? Mən sizə nə pislik etmişəm? Niyə Azərbaycan vətəndaşlarından yazmırsınız, məndən yazırsınız? Mənim populyarlığım hesabına pul qazanmaq, piar qurmaq istəyirsiniz. Kim sizə sifariş edib ki, barəmdə çirkin məqalələr yazasınız?”-Zirəddin Rzayev soruşur.

Leyla Həsənova

Şərh Yaz