“KİV haqqında” qanuna köklü dəyişikliklər gözlənilir - Vitse-spikerdən ANONS

Bölmə: Xəbər, BLOK XƏBƏR, GÜNDƏM

17 fevral 2017 14:46 Baxış: 246 Şərh: 0 Çap

““Kütləvi informasiya vasitələri haqqında” qanunda indiyə qədər mövcud olmayan məqamlar müzakirə olunaraq plenar iclasların birinə müzakirəyə çıxarıla bilər”.

Xalqinfo.az xəbər verir ki,bunu Milli Məclisin sədr müavini Bahar Muradova parlamentdə KİV nümayəndələri ilə keçirilən görüşdə deyib.

Bahar Muradova bildirib ki, müəyyən dəyişikliklər qəbul olunduqdan sonra bu sahənin statusu ilə bağlı anlaşılmazlıqlar aradan qalxacaq.

“Bundan sonra hər bir internet resursunun statusu məlum olacaq. Mətbuat Şurasının və digər qurumların fəaliyyətini tənzimləyəcək yeni qanun layihəsinin hazırlanmasına ehtiyac yoxdur. Bu sahədə sadəcə məsləhətləşmələrə ehtiyac var. Milli Məclis mətbuatla bağlı problemlərin aradan qaldırılması üçün daim axtarışdadır”-deyə o əlavə edib.

Vitse-spiker deyib ki, parlament jurnlistlərinin ixtisaslaşdırılması layihəsi üzərində işləmək olar.

“Biz burada qeydiyyatdan keçən jurnalistlərin Milli Məclisin işinə bələd olmaq üçün treninqlər keçməsinə hazırıq”.

O həmçinin hərbi jurnalistika ilə bağlı mövcud boşluqların aradan qaldırılması üçün də qanunvericiliyə dəyişiklikliyin edilməsi mümkün ola biləcəyini qeyd edib.
“Deputatların fəaliyyəti ilə bağlı yeni mexanizmlərin düşünülməsinə ehtiyac yoxdur. Bu məsələsə ən ağır mexanizm cəmiyyətin qınağıdır”.

Bahar Muradova ayrı-ayrı media orqanlarında söyüş kampaniyalarının aparıldığını deyib.

“Bu da ayrı-ayrı mətbuat nümayəndələrini addekvat olmayan hərəkətlərə vadar edir. Bunun bir tərəfi peşə eqoizmi ilə bağlıdırsa, məlumatda önə çıxmaq, eksklüziv məlumat yaymaq həvəsi ilə bağlıdırsa, yarısı da mənəviyyata bağlı olmalıdır. Bunu heç kim inkar edə bilməz”.

Xalqinfo.az saytı ilə əlaqə üçün E-mail: xalqinfo@mail.ru

Şərh Yaz