Ermənilərin vurduğu qıza kömək ediləcəkBölmə: Xəbər
Gədəbəy Rayon İcra Hakimiyyətindən (RİH) erməni əsgərlərinin Şınıx bölgəsində vurduqları 15 yaşlı məktəbli qızla bağlı açıqlama verilib. Gədəbəy RİH-nin Ərazi İdarəetmə Şöbəsinin rəisi Qılıcov Nizaməddin ANS PRESS-ə açıqlamasında erməni gülləsinə tuş gələn Göyəlli kənd sakini, IX sinif şagirdi Şəlalə Mais qızı Tağıyevanın ayağına dəyən güllənin çıxarıldığını söyləyib: “Ayağı sarğıdadır və hazırda vəziyyəti yaxşıdır”. Bildirilib ki, Gədəbəy RİH nümayədələri də Şəlalə Tağıyevaya bir neçə dəfə baş çəkiblər: “O, Gədəbəy Rayon Mərkəzi Xəstəxanasında müalicə olunur. İndi ordan gəlirik. Heç bir problem yoxdur. Bir də müayinə olunduqdan sonra onu evə buraxacaqlar. İcra Hakimiyyəti tərəfindən onlara hər cür yardım göstəriləcək”. Qeyd edək ki, ötən gün Ermənistan ordusu Gədəbəy istiqamətində də ordumuzun mövqelərini və yaşayış məntəqələrini aramsız olaraq atəşə tutublar. Ş.Tağıyevanın ailəsi Göyəlli kəndinin ən ucqarında, Ermənistan ordusunun “Sümüklü” dağındakı mövqelərindən görünən ərazidə yaşayır. Kənd sakinlərinin bildirdiyinə görə, ermənilər neçə gündür ki, kəndin yuxarı hissələrini, habelə otlaq sahələrini və kənd təsərrüfatı işləri ilə məşğul olan sakinləri müntəzəm olaraq atəşə tutur |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|