Bulvarda atraksionlar pulsuz olacaq
27 dekabr 2016 22:54
Baxış: 166
Şərh: 0
Çap
Dünya Azərbaycanlılarının Həmrəyliyi Günü və Yeni il bayramı münasibətilə Dənizkənarı Milli Parkda aksiya keçiriləcək.
"Xalqİnfo"nun Axşam.az-a istinadən məlumatına görə, bu barədə Dənizkənarı Bulvar İdarəsinin rəis müavini Nazim Məcidov bildirib. Onun sözlərinə əsasən, dekabrın 30-da bulvarda 15 yaşına qədər uşaqlar üçün bütün attraksionlar saat 10:00-dan 14:00-a qədər pulsuz olacaq.
N.Məcidov ona da qeyd etdi ki, Bakı Şəhər İcra Hakimiyyəti Dünya Azərbaycanlılarının Həmrəylik günü və Yeni İl münasibətilə dekabrın 31-də saat 00.00-da Milli Parkda atəşfəşanlıq təşkil edəcək.
Rəis müavini hazırda bulvarda 2 yerdə böyük süni şam ağacının quraşdırıldığını vurğuladı. Onlardan biri Kukla teatrının arxasında böyük meydançada monitorun qarşısında, digəri isə "Port Baku" ilə üzbəüz bulvarın yeni hissəsindədir.
Əlaqə üçün E-mail: xalqinfo@mail.ru
BAKI. Şəfa Rasimqızı Xalqİnfo.az
|