"Sənə bir xəbərim var idi…" Nuranə NurBölmə: Xəbər
Günahkar Hər şeyimi sənsizliyimlə paylaşandan, mənliyim sən doludur. Sənsiz keçirdiyim hər an, bir boşluq manifestidir, oxumadığım kitablarda yazılan, və bir geniş məzardı varlığıma qazılan. Zamanla üz-göz ola-ola, günlərimi saya-saya keçirdiyim ömürdə könülsüz doğulan, və bir dayaz qəmzədə boğulan təbəssümümdü. Səninlə keçirdiyim sənsizliyin şərəfinə... başıma çəkirəm göz yaşlarımı. Sevməyi bacarana mükafat, Günahlar günahsızına cəzadır bu. Neyləyim, Suyun axib öz çuxurunu tapdığı qədər günahkaram. Mənə tanışdı Tanışdı mənə bu gedişin. Fürsət bildiyin zamanları boşuna keçirdiyinin fərqində olunca vermişdin bu qərarını. Ürək döyüntülərin heca-heca, keşkələrə bölünüb vurunca anlamışdın əslində getmək istəmədiyini. Tanışdı mənə bu gedişin, Aparacaqsan getdiyin yerlərə geridə buraxdığını düşündüyün hər şeyi. Xatirələrini belə, Sevdiyin bir cüt gözə əmanət edə bilməyib, götürəcəksən özünlə. Həyatı yenidən öyrənməyə zamanın qalmamış deyə düşünüb, Həsrət -gözləməkdi , yoxsa darıxmaq sualına daha cavab axtarmayacaqsan. Tanışdı mənə bu gedişin Olan, bitən hər şeyin, Bu gedişin də sonuna gözlə görünməyən nöqtə qoymusan əslində. Gedənləri yox... Bir boşluqdan içəri keçib, Tanımadığım bir hissin içində azmışam. Ya özümdən gedirəm,ya ozümə gəlirəm. Daha qaranlıqdan qorxmuramsa, demək pislikləri görə bilirəm. Nəfəsini geri çəkib, bütün fikirlərimi ayaqlayıb, urəyimdə tutub saxlamağa çalışdığım dilək addım-addım yoxa çıxır. Mən gedənləri yox, Gedişləri unuda bilmirəm. Məndən getdin Məndən getdin, bu şəhərdən gedincə, dəyişmədi ki,bu şəhər. Təkcə mən bildim , Tək mən… könülsüz barışdım . Ayrılığın da dadı yoxdu artıq, Alışqanlıqdı bu , alışdım… Yalnız, bütün şifrələri sənin adınla açanda, xatırladım səni. Və gündə bir neçə tablet xatirə, yatmazdan əvvəl, içirdim qüruruma. Səndən oyanmaq istəyirəm, yuxuma da gəlmə daha. Indi bildim, Baş alıb gedənlərin, vidası belə olurmuş ... Heyifff… Sənə bir xəbərim var idi… |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|