» » “Qələbə işimizi asanlaşdırdığı qədər də çətinləşdirdi”

“Qələbə işimizi asanlaşdırdığı qədər də çətinləşdirdi”

Bölmə: Xəbər
“Qələbə işimizi asanlaşdırdığı qədər də çətinləşdirdi”

“İlk olaraq "Qarabağ" camiəsini təbrik edirəm. Çətin oyun oldu. Asan qələbə olduğunu deməzdim. Gərgin matç keçdi. Bu cür atmosferdə yaxşı çıxış etdilər, soyuqqanlı oldular və düşündüyümüz oyunu qurdular. Düşünürəm ki, çox yaxşı komandaya qalib gələrək qrupdan çıxmaq şanslarımızı yaxşılaşdırdıq”.

Xalqİnfo” “Futbolinfo.az”a istinadən xəbər verir ki, bunu "Qarabağ"ın baş məşqçisi Qurban Qurbanov deyib. Təcrübəli mütəxəssis Yunanıstanda PAOK-la keçirilmiş Avropa Liqasının 4-cü turunun oyunundan sonra təşkil olunmuş mətbuat konfransında jurnalistlərin suallarını cavablandırıb.

- Oyunun dönüş nöqtəsi Miçelin meydana girməsi oldu. O ana qədər olan vəziyyəti izah edirdiniz...

- Bəzən əvəzetmələr uğurlu alınır. Belə hallar çox olur. Oyunun gedişatında hansısa dəyişikliyin olmasına ehtiyac duyursan. Rahid Əmirquliyev çox iş gördü. Rəqibin sol cinahı çox güclü idi. Həmin ərazidə Maksim, Rahid, Dani və Qara çox düzgün oynadı və bir-birini tamamladı. Neçə gündür bunun üzərində çalışırdıq. Hiss etdik ki, topla daha tez davranmağa ehtiyac var. Miçel bizim təcrübəli oyunçularımızdan biridir. Qol vurmasa da, tapşırığı yerinə yetirməyə çalışır. Hər bir oyunçudan razı qaldım.

- Qələbədən sonra "Qarabağ"ın mərhələ adlamaq şansını necə dəyərləndirirsiniz?

- Hər bir uğurlu oyundan sonra məsuliyyət daha da artır. Digər rəqiblər bizə qarşı daha ciddi yanaşır və ciddi hazırlaşır. Bu qələbə işimizi asanlaşdırdığı qədər çətinləşdirib. Qarşıda həm "Slovan", həm də "Fiorentina"ya qarşı keçirəcəyik. PAOK-un şansı da yaxşıdır. Çünki onlar "Slovan"la evdə, biz isə "Fiorentina" ilə səfərdə oynayırıq. Şansları 50/50-yə dəyərləndirirəm.

- PAOK-un "Qarabağ"a yaşatdığı ən çətin anlar hansı idi?

- Çətinlik həm Bakıda, həm də burada oldu. Ən əsas sağ və sol cinah müdafiəçiləri hücuma sürətlə çıxırdı. Bəzi anlarda meydanın mərkəzini boş buraxırdıq və bu da bizə çətinlik yaradırdı. Bir də PAOK standar vəziyyətlərdən, küncdən zərbələrdən təhlükəlidir. Rəqibin bu oyununu çox izləmişdik və küncdən zərbələrin təhlükəli olduğunu bilirdik. Həm Bakıda, həm də buradakı oyun ağır oldu.

- "Qarabağ" "Viktoriya" ilə oyundan sonra çox dəyişib. Bu fikirlə razısınız?

- Daha uğurlu nəticə əldə etmək üçün həmişə dəyişiklik olmalıdır və öz üzərimizdə işləməliyik. Mən "Viktoriya" ilə oyundan razı qalmışdım. Baxmayaraq ki, həmin oyunun sonunda qol buraxdıq və Çempionlar Liqasına gedə bilmədik. Həmin vaxt komandalar pik formada olmur. Amma zamanla hər kəs öz oyununu göstərir. Bundan sonra da dəyişiklik edib, ən azından bu çıxışı saxlamaq lazımdır.

- PAOK-un zəif tərəfi hansı idi ki, onlardan istifadə etdiniz?

- Hər bir rəqibə hörmətlə yanaşırıq və bu səbəbdən zəif tərəfini söyləyə bilmərəm. Bir neçə üstün cəhətləri vardı və bunun qarşısını ala bilmərik. Bu komanda haqda yalnız xoş sözlər deyə bilərəm.


Əlaqə üçün E-mail: Xalqinfo@mail.ru

BAKI. Şəfa Rasimqızı Xalqİnfo.az


Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler