Keçmiş icra başçısı da deputatlığa namizəd oldu

Bölmə: Xəbər

25 sentyabr 2015 18:47 Baxış: 381 Şərh: 0 Çap

Keçmiş icra başçısı da deputatlığa namizəd oldu

Salyan rayonunun keçmiş icra başçısının deputatlığa namizədliyi rəsmən qeydə alınıb.

Bu barədə virtualaz.org saytının Şirvan bürosuna 59 saylı Salyan seçki dairəsindən məlumat verilib.

Məlumata görə, müvafiq qərar seçki dairəsinin bu gün keçirilən iclasında qəbul olunub.

2001-2004-cü illərdə Salyan rayonunun icra başçısı işləmiş Yusif Ələkbərov YAP üzvü olsa da noyabrın 1-nə təyin olunan növbəti parlament seçkilərində iştirak etmək üçün namizədliyini özü irəli sürmüşdü.

Qeyd edək ki, bu dairə üzrə artıq iki namizəd qeydiyyata alınıb. Onlar namizədliyi özü tərəfindən irəli sürülmüş Azərbaycanın sabiq hərbi komissarı, ehtiyatda olan general-leytenant, indiki deputat Əlağa Hüseynov və namizədliyi YAP tərəfindən irəli sürülən həkim-travmatoloq İlqar Ağabəyovdur.

59 saylı Salyan seçki dairəsi üzrə daha 4 nəfər də namizədliyini irəli sürüb. Bunlar Müsavat Partiyasının divan üzvü Valeh Hümmətoğlu, Ümid Partiyası sədrinin müavini Rüfət Muradlı, VHP-ni təmsil edən jurnalist Ramal Hüseynov və namizədliyi özü tərəfindən irəli sürülmüş orta məktəb müəllimi İbrahim Davudzadədir.

Şərh Yaz