İki övlad atası özünü güllələyərək öldürdü

Bölmə: Xəbər

05 avqust 2015 09:16 Baxış: 287 Şərh: 0 Çap

Oğuzda iki övlad atası özünü güllələyərək intihar edib.

“Xalqinfo”nun APA-ya istinadən məlumatına görə, hadisə avqustun 4-ü səhər saatlarında rayonun Baş Daşağıl kəndində qeydə alınıb. Rayonun Baş Daşağıl kənd sakini, 1968-ci il təvəllüdlü Məmməd Nurəli oğlu Rəsulov hələ ki, istintaqa məlum olmayan səbəbdən yaşadığı ünvanda tək lülə ov tüfəngini çənəsinin altına dirəyərək atəş açmaqla intihar edib. Aldığı güllə yarasından ağır vəziyyətdə Oğuz Rayon Mərkəzi Xəstəxanasına çatdırılan 47 yaşlı Məmməd Rəsulovun həyatını xilas etmək mümkün olmayıb.

Məmməd Rəsulov xəstəxanada keçinib. Məlumatda bildirilir ki, mərhum evli və iki övlad atası olub.

Faktla bağlı Oğuz rayon prokurorluğunda CM-nin 125-ci (özünü öldürmə həddinə çatdırma) maddəsi ilə cinayət işi başlayıb, araşdırma aparılır.

Şərh Yaz