Güclü yağış Xaçmazda piyada körpüsünü dağıtdıBölmə: Xəbər
 Şimal bölgəsinə yağan güclü yağış çaylarda suyun səviyyəsinin qalxmasına səbəb olub. Xaçmaz rayonu Amsarqışlaq kəndi ərazisindən keçən Ağçay çayının üzərində bələdiyyənin inşa etdiyi piyada körpüsü dağılıb.apa-nın şimal bürosunun verdiyi məlumata görə, sel nəticəsində çayda suyun səviyyəsi qalxıb. Bunun nəticəsində kəndlilərin avtomobil yolu kimi istifadə etdiyi Alıc Qışlaq, Qaracik, Aşağı Zeyid, Qədimalı Qışlaq kəndlərinə gedən yol bağlanıb. Xaçmaz Suvarma Sistemləri İdarəsinin şöbə müdiri İsmət Hüseynovun APA-ya verdiyi məlumata görə, çayda su çox olduğundan hazırda ərazidə texnikanın işləməsi mümkünsüzdür. Onun sözlərinə görə, yarana biləcək təhlükəni aradan qaldırmaq üçün qısa müddətdə əraziyə texnika cəlb olunacaq. Qeyd edək ki, mayın 5-də şimal bölgəsində bəzi yaşayış məntəqələrinə güclü yağıntının düşməsi nəticəsində çaylarda suyun səviyyəsi 5-12 sm artıb. Xaçmaz rayonu ərazisindən keçən bütün çaylarda suyun səviyyəsi qalxıb, lakin daşqın təhlükəsi yoxdur. |
XƏBƏR LENTİ
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
