Müdafiə Nazirliyindən cəbhədə hərbi texnikanın hərəkətinə dair AÇIQLAMA

Bölmə: Xəbər, BLOK XƏBƏR

21 aprel 2015 19:27 Baxış: 338 Şərh: 0 Çap

Müdafiə Nazirliyindən cəbhədə hərbi texnikanın hərəkətinə dair

"Qoşunların döyüş hazırlığı səviyyəsinin yoxlanılması məqsədilə döyüş qabiliyyəti və manevr imkanları yoxlanılır"

Müdafiə Nazirliyi cəbhə zonasında hərbi texnikanın hərəkətə başlaması ilə bağlı xəbərlərə reaksiya verib. lent.az-ın məlumatına görə, nazirliyin bununla bağlı rəsmi saytına yerləşdirdiyi açıqlamada deyilir: "Bəzi elektron kütləvi informasiya vasitələrində və sosial şəbəkələrdə hərbi texnikanın, canlı qüvvənin hərəkəti ilə bağlı video görüntülər yayılıb.
Müdafiə Nazirliyi rəsmi olaraq bildirir ki, hərbi hissələrin, döyüş texnikasının, şəxsi heyətin və digər hərbi elementlərin dislokasiya yerinin dəyişməsi, əvəzlənməsi və yenilənməsi Silahlı Qüvvələrin komandanlığının səlahiyyətləri çərçivəsindədir və əvvəlcədən təsdiq edilmiş plana uyğun olaraq həyata keçirilir.
Qoşunların döyüş hazırlığı səviyyəsinin yoxlanılması məqsədilə müdafiə nazirinin əmrinə və Silahlı Qüvvələrin Baş Qərargah rəisinin sərəncamına əsasən hərbi hissə və birləşmələr planlı şəkildə “Həyəcan” siqnalı ilə qaldırılaraq onların döyüş qabiliyyəti və manevr imkanları yoxlanılır".

Şərh Yaz