Ticarət mərkəzlərində işıq bərpa olunduBölmə: Xəbər
“Laçın” və “Xalqlar Dostluğu” ticarət mərkəzinə elektrik enerjisinin verilişi bərpa edilib. Xalqinfo.az xəbər verir ki, bu barədə qafqazinfo-ya ticarət mərkəzindən məlumat verilib. Bildirilib ki, işığın kəsilməsi daxili transformatorda yaranan nasazlığa görə baş verib. Artıq problem həll edilib. Ticarət mərkəzi fəaliyyətini davam etdirir. Qeyd edək ki, üç gün bundan öncə günorta saatlarında hər iki ticarət mərkəzinin işıqlarının qəflətən kəsilməsi barədə mediada məlumatlar yayılmışdı. Satıcıların sözlərinə görə, müdiriyyət kəsintinin səbəbinin transformatorlarda yaranan problemlə əlaqəli olduğunu bildirib. Ancaq satıcıların iddialarına əsasən, kəsintinin səbəbi hər iki ticarət mərkəzinin "Azərişıq"a külli miqdarda borcu olması ilə bağlıdır. Məsələ ilə bağlı “Azərişıq” ASC-nin Mətbuat Xidmətinin rəhbəri Tanrıverdi Mustafayev mətbuata açıqlamasında bildirib ki, ticarət mərkəzlərindəki elektrik kəsintisinin səbəbi “Azərışıq”la bağlı deyil: “Problem ticarət mərkəzlərinin daxilindədir. “Biz nə borca, nə də yenidənqurma işlərinə görə heç bir ticarət mərkəzinin işığını kəsməmişik”. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|