Lerikdə 77 yaşlı kişinin evindən cəbbəxana aşkarlanıb

Bölmə: Xəbər

06 aprel 2015 14:37 Baxış: 295 Şərh: 0 Çap

Lerikdə 77 yaşlı kişinin evindən cəbbəxana aşkarlanıb

Daxili İşlər Nazirliyi evindən xeyli silah-sursat aşkar edilmiş şəxsin görüntülərini yayıb.

APA TV-nin məlumatına görə, Lerik Rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində Nurəvud kənd sakini, 77 yaşlı Qurbanəli Babayevin evindən 1 ədəd nömrəsi silinmiş "Naqan" markalı tapança, 1 ədəd kustar üsulla hazırlanmış tapança, 1 ədəd idman tapançası, 1 ədəd qundağı kəsilmiş və 3 ədəd lüləsi kəsilmiş və nömrəsi silinmiş ov tüfəngləri, 3 ədəd kustar üsulla hazırlanmış bıçaq, 67 ədəd müxtəlif çaplı patron, 1,5 kiloqram qırma, 75 ədəd giliz və tüfəng üçün lülə və qundaqlar aşkar edilərək götürülüb.

Faktla bağlı araşdırmalar davam edir.

Şərh Yaz