Məşhur filmin təqdimatında Kamrana hörmətsizlik - Yenilənib Xəbər verdiyimiz kimi, dünən Bakıda “Kardeşim benim 2” filminin təqdimatı olub. "Xalqinfo”nun məlumatına görə, təqdimata filmin baş rol ifaçılarından yalnız Burak Özçivit qatılıb. Onunla birgə kinonun iki xanım ulduzu da Bakıya təşrif buyurub. Maraqlıdır ki, azərbaycanlı aktyor Kamran Ağabalayev ekran işinə çəkilsə də, təqdimatda iştirak etməyib. Buna səbəb isə aktyorun premyeraya dəvət olunmamasıdır. Sosial şəbəkələrdə Kamran Ağabalayevə olan hörmətsizlik müzakirələrə səbəb olub və buna görə təşkilatçılar sərt tənqid edilib. Qeyd edək ki, “Park cinema” təkcə azərbaycanlı aktyoru dəvət etmədiyinə görə deyil, dünənki qalada baş verən özbaşınalıqlara görə də izləyicilərin hədəfinə tuş gəlib. *** "Park cinema"nın mətbuat xidmətindən "Qafqazinfo"ya bildirilib ki, K. Ağabalayev qala gecəsinə dəvət olunub: “Kim deyir ki, Kamran Ağabalayev qalaya dəvət olunmayıb? Biz onu təqdimata çağırmışıq, dəvətnaməmizi göndərmişik. O, filmin heyəti ilə bir əyləşəcəkdi. Amma Kamran bəy premyeraya gəlmədi”. Aktyor isə sinemalar şəbəkəsinin yaydığı açıqlamanı təkzib edib. Kamran "Qafqazinfo"ya bildirib ki, ona heç bir dəvət gəlməyib: "Çağrılmayana yerə niyə gedim? Məni filmin qalasına dəvət etməyiblər. O dəvətnaməni kimə, nə vaxt veriblər? Belə bir şey olmayıb". 
|
XƏBƏR LENTİ
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
