“Ona çox öyrəşmişik” - Məmmədxanovun xanımı itindən danışdı Bakıda “caucau” cinsli it oğurlanıb. "Xalqinfo" Lent.az-a istinadən xəbər verir ki, hadisə Xəzər rayonu Mərdəkan qəsəbəsində baş verib. Paytaxt sakini, 1970-ci il təvəllüdlü İradə Məmmədxanova polisə müraciət edərək bildirib ki, “caucau” cinsli iti bağ evinin qarşısında naməlum şəxs və ya şəxslər tərəfindən oğurlanıb. Müraciət əsasında axtarış tədbirləri həyata keçirilir. Qeyd edək ki, iti oğurlanan qadın “Bakılı oğlanlar” Şən və Hazırcavablar Klubunun keçmiş kapitanı, mərhum deputat Anar Məmmədxanovun həyat yoldaşıdır. Onu da bildirək ki, "caucau" cinsi itlərin qiyməti 2 min manatdan yuxarıdır. *** Anar Məmmədxanovun həyat yoldaşı İradə Məmmədxanova itinin oğurlanması barədə yayılan xəbərlərə münasibət bildirib. O, “Qafqazinfo”ya açıqlamasında itin qiyməti ilə bağlı yazılan məlumatlardan narahat olduğunu söyləyib: “Mediada xəbərləri oxudum və narazılığım var. Kömək etmək istəyirlər. Amma yazıblar ki, itin qiyməti iki min manatdır. Bu xəbəri hardan götürüblər? Heç mənim xəbərim yoxdur. Bu barədə çox narahatam. Belə yazmaq lazım deyil. Hamı itin qiymətini yaxşı bilir. Yalan yazanlara gülürlər. Qiymət şişirdilib. İti həyətdən oğurlamayıblar. Qapı açıq olub, oradan çıxıb gedib. Görənlərdən maraqlandıq, uşaqlar küçədə iti görüb velosipetdə harasa aparıblar. Sadəcə olaraq demək istəyirəm ki, iti götürənlər qaytarsın. İt 6 aylıqdır, ailə ona çox öyrəşib. Bilirəm ki, tapılacaq”.   |
XƏBƏR LENTİ
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
