Miri Yusif İrem Derici ilə duet oxuyacaq

Bölmə: Şou

22 fevral 2017 23:25 Baxış: 209 Şərh: 0 Çap

ARB TV-nin "Türk şou-maqazin” verilişinin qonağı olan İrem Derici və Mustafa Ceceli maraqlı açıqlamalar veriblər.

Xalqinfo.az-ın məlumatına görə, İrem Derici Bakıdakı xatirələrini bölüşüb:

"Bakıya 2-3 dəfə gəlmişəm. Azərbaycan xalqını çox sevirəm. Bakının memarlıq abidələri, tarixi yerləri diqqətimi çox çəkir. Alov qüllələrinə isə söz ola bilməz. Çox darıxıram Bakı üçün".

Mustafa Ceceli də tez-tez Bakıya gəlməsindən və xalq artisti Aygün Kazımova ilə yarımçıq qalmış layihəsindən söz açıb:

"Aygünün mahnısını tamamlamağı çox istəyirik. Heç cür bir araya gələ bilmədik. Layihələrimiz üst-üstə düşmədi. Zaman-zaman Bakıya gəlirəm. Orada çox dostlarım var. Bakıya ən son toy üçün gəlmişdim. İremin albomunda Miri Yusiflə duetləri olacaq. Onlar "Bir dənədir" mahnısını ifa edəcəklər. Yaza doğru çəkilişlər başlayacaq".

Mustafa Ceceli daha sonra yeni planlardan da bəhs edib:

"Zincirimi kırdı aşk" adlı mahnımıza klip çəkəcəyik. Prodüserim dedi ki, bu mahnı "Youtube"da çox dinlənilib, buna klip çəkək. Klipi Yaponiyada çəkməyi düşünürük. Bir gün İnstaqramdan yer bildirimi olaraq Yaponiyanı göstərsəm, şoka düşməyin".

Xalqinfo.az

Şərh Yaz