Mətanət Əliverdiyeva verilişdən uzaqlaşma səbəbini açıqladı

Bölmə: Şou

29 sentyabr 2015 15:35 Baxış: 670 Şərh: 0 Çap

Mətanət Əliverdiyeva verilişdən uzaqlaşma səbəbini açıqladı

ATV-nin tanınmış aparıcısı Mətanət Əliverdiyeva “Mənim mətbəxim” verilişindən uzaqlaşıb. Aparıcı verilişdən getmə səbəbləri barədə “Yeni Müsavat”a açıqlama verib:

“Mən bu barədə son verilişdə də açıqlama verdim. Bildirdim ki, işlərimin çoxluğundan verilişdən imtina edirəm. Hər kəsə məlumdur ki, mən serialda da çəkilirəm, üstəlik, ailə qayğılarım da artdığından bu cür qərar verməli oldum.

Bu il kiçik oğlum birinci sinfə qədəm qoydu. Bu mənim üçün hər şeydən önəmli, birinci və əsasdır. Mən indi ona daha çox vaxt sərf etməliyəm.

Bundan sonra verilişi müğənni Niyam Salami aparacaq. Ona da uğurlar arzulayıram”.

Qeyd edək ki, “Mənim mətbəxim” verilişi həftənin bazar günləri saat 13:30-da yayımlanacaq. Sənətçinin ilk qonağı proqramın keçmiş aparıcısı M.Əliverdiyeva olacaq.

Şərh Yaz