Hemofiliyalı uşaqlar üçün tədbir -
23-06-2017, 20:31. Yerləşdirdi: Leyla
2017 -ci il Hemofiliyalı Xəstələrin Respublika Assosiasiyasının 20 illiyinə həsr edilmiş müxtəlif tədbirlərin təşkili planlaşdırılıb.
Düz 20 il öncə 1997-ci ildə hemofiliyalı xəstələr və onların valideynləri donor qanının və qan komponentlərin çatışmazlığı, hemofiliyalı xəstələrin şiddətli qanaxmalardan əziyyət çəkməsi, keyfiyyətli müalicəsi olmadığı təqdirdə əlillik və ölümlə nəticələnə bilən xəstəliklə üz üzə qalmışdılar. Öz oğluda bu dəhşətli xəstəlikdən əziyyət çəkdiyinə görə Gülnarə xanım Hüseynova xəstələr və valideynləri birləşdirib, Hemofiliyalı Xəstələrin Respublika Assosiasiyası yaratmışdı. Statistikaya nəzər saldıqda 1997 ildə xəstələrin sayı 800 -ə qədər olduqda, bu 1500-dən yuxarı göstərilir.
Rəqəmlər laboratoriyanın təkmilləşməsi və diaqnozun dəqiq qoyuması ilə nəticələnir.
Son illər tam başqa bir mənzərənin şahidi oluruq. Hemofiliyalı ailələr maariflənərək xəstəliyə qalib gəlir, dövlətin əvəzsiz qayğısı hemofiliyalı uşaqların həyat keyfiyyətini yaxşılaşdırmışdır. Həkimlərin beynəlxalq kriteriyalarla xəstəliyə yanaşması əlilliyin və ölümün qarşısının alınmasına müsbət təsir göstərmişdir. Dərman preparatlarının təminatı Respublika Klinik Xəstəxanasının nəzdində Hemofiliya Mərkəzində təşkil etmişdir. Burada Mərkəzin rəhbəri ADHTİ hematologiya kafedrasının müdiri Elmira xanım Qədimovanın rəhbərliyi ilə şiddətli qanaxmalarla olan xəstələr müalicə olunur, fəsadlar aradan qaldırılır. Uşaqlar sağlam böyüyür, təhsil alır, ailə qururlar və sağlam həyat tərzi sürürlər.
Xalqinfo.az-a daxil olan məlumatda bildirilir ki, Hemofiliyalı Xəstələrin Respublika Assosiasiyasının 20 illiyinə həsr edilmiş “Ana bala” Proqramı tərtib edilmişdir. Proqram çərçivəsində beynəlxalq kriteriyalarla təlimlər təşkil olunur. Bu dəfəki təlim, Quba rayonunda ağır forma hemofiliyalı uşaqlar üçün keçirilmişdir. Yüksək səvyyədə təşkil olunmuş təlimlərə görə təşkilatın İcraçı direktoru, Pasent Təşkilatları İttifaqının sədri Ayaz Hüseynova, Milli QHT Forumunun Psixoloji Araşdırma və Dəstək Mərkəzinin rəhbəri Vüsalə Xəlilovaya, təşkilatın valideynlərlə iş üzrə koordinatoru Vüsalə Əkbərovya, Uşaq İnkişafı üzrə koordinator Lalə Əliyevaya, qanaxmalardan əziyyət çəkən qızlarla iş üzrə koordinator Mədinə Hüseynovaya minnətdarlığımızı bildiririk.
Qeyd edək ki, uşaqların sağlam həyat tərzini təmin etmək üçün cənab Prezident İlham Əliyev və 1- ci vitse prezident Mehriban xanım Əliyevanın qayğısı ilə təhlükəsiz qan laxtalandıran dərman preparatları faktor konsentratları ilə beynəlxalq standartlarla müalicənin nəticəsində reallaşır.
Geri qayıt