Qarabağ əlilləri və şəhid ailələrinə ev verildi -
11-01-2017, 17:33. Yerləşdirdi: sefa
Yanvarın 11-də Əmək və Əhalinin Sosial Müdafiəsi Nazirliyi tərəfindən Lənkəran rayonunda inşa olunmuş 9 fərdi yaşayış evi Qarabağ müharibəsi əlilləri və şəhid ailələrinin istifadəsinə verilib.
“Xalqinfo” xəbər verir ki, bu münasibətlə keçirilən tədbirdə nazirliyin, Lənkəran Şəhər İcra Hakimiyyətinin, ictimai təşkilatların və ictimaiyyətin nümayəndələri iştirak ediblər.
Tədbirdə çıxış edənlər bildiriblər ki, nazirlik tərəfindən ötən il respublikanın şəhər və rayonlarında 288 nəfər Qarabağ müharibəsi əlili və şəhid ailəsi mənzillə təmin olunub.
Daha sonra yeni fərdi yaşayış evlərinə baxış keçirilib. Evlərdə müasir tələblərə uyğun yaşayış şəraiti yaradılıb. Yeni istifadəyə verilmiş mənzillərdən 3-ü Qarabağ müharibəsi əlillərinə, 6-sı isə şəhid ailələrinə təqdim olunub.
Əlaqə üçün E-mail: xalqinfo@mail.ru
BAKI. Şəfa Rasimqızı Xalqİnfo.az
Geri qayıt