Qənirə Paşayeva əhalinin aztəminatlı təbəqəsi ilə bağlı çağırış edib - Video

Bölmə: Sosial

05 oktyabr 2018 22:46 Baxış: 147 Şərh: 0 Çap

Qənirə Paşayeva əhalinin aztəminatlı təbəqəsi ilə bağlı çağırış edib -

Qəbiristanlıqların salınması, saxlanılması, qorunması, idarə olunması, abadlaşdırılması və bələdiyyə ərazisində yaşayan əhalinin aztəminatlı təbəqəsindən olan mərhumların dəfn və yas mərasimlərinin təşkilinə yardım məqsədilə bələdiyyələrə büdcə ayrılmalı, vəsait verilməlidir.

Bunu bu gün "bələdiyyə maliyyəsinin əsasları haqqında"qanuna dəyiliklik edilməsi barədə müzakirələrdə millət vəkili Q.Paşayeva deyib: "Bu günə qədər bələdiyyələrin üzərində sadəcə bələdiyyə ərazisində yaşayan əhalinin aztəminatlı təbəqəsindən olan mərhumların dəfn və yas mərasimlərinin təşkilinə yardm məsələsi vardı. Amma mənim kimi kənd rayonlarını təmsil edən millət vəkilləri yaxşı bilir ki, bələdiyyələr bu istiqamətdə işlər görmürdilər və ya görə bilmirdilər. Deyirdilər ki, bunun üçün bizim büdcəmizdə vəsait yoxdur.

Vətəndaş isə qanunda bu məsələnin olduğunu və qanunla bələdiyyənin onlara dəstək olmalı olduğunu deyirdi və bir sıra hallarda və bir sıra hallarda bələdiyyə ilə sakinlər arasında gərginlik, narazılıqlar yaranırdı. Bir neçə gün əvvəl bələdiyyə ərazilərində reklam lövhələrinin yerləşdirilməsindən gələn gəlirin toplanması da bələdiyyədən alındı, bununla bağlı yaranmış orqana verildi və oradan gələn gəlirin sadəcə 10 faizinin bələdiyyələrə veriləcəyi bildirildi. İndi isə bələdiyyələrin üzərinə qəbiristanlıqarın salınması, saxlanılması, qorunması, idarə edilməsi, abadlaşdırılması kimi əlavə səlahiyyət və vəzifələr də qoyulur.

Bunlar çox ciddi məsələlərdir və sabah bələdiyyələr qanunla üzərinə düşən vəzifələri "maliyyə təminatımız yoxdur" deyərək etməyəndə vətəndaşla ciddi narazılıqlar yarana bilər. Ona görə də bu səlahiyyətlərin verilməsi ilə yanaşı bələdiyyələrin bu işləri həyata keçirə bilməsi üçün maliyyə mənbələri, qaynaqları məsələsinə mütləq baxmaq lazımdır və 2019-cu il büdcəsində bunları nəzərə almaq və lazım gələrsə bunun üçün bələdiyyələrə vəsait ayırmaq lazımdır. Yoxsa bu sahədə hər hansı ciddi bir addım, işlər olmayacaq, tam əksinə sakinlərlə bələdiyyə arasında narazılıqlar arta bilər.

İnanıram ki, bu məsələlərə ciddi diqqət yetiriləcək və öz həllini tapacaq. Çünki qəbiristanlıqların salınması, saxlanılması, qorunması, idarə edilməsi, abadlaşdırılması və eyni zamanda əhalinin aztəminatlı təbəqəsindən olan mərhumların dəfn və yas mərasimlərinin təşkilinə yardım məsələsi çox vacib məsələlərdir və onların həyata keçməsi üçün mexanizmlər işlək olmalıdır."

Millət vəkili Q.Paşayevanın MM-də çıxış videosunun linkini burdan izləyə bilərsiniz.

Şərh Yaz