» » Məhkəmədən Fədayə Laçınla bağlı –

Məhkəmədən Fədayə Laçınla bağlı – Qərar

Bölmə: Sosial
Məhkəmədən Fədayə Laçınla bağlı – İki nəfər məhbusun qaçırılmasında təqsirləndirilən müğənni Fədayə Laçının vəkilinin verdiyi vəsatətin təmin olunmaması ilə bağlı məhkəmə qərarından verilən apelyasiya şikayətinə baxılıb.

Axar.az xəbər verir ki, bu gün Bakı Apelyasiya Məhkəməsində hakim Rizvan Səfərovun sədrliyi ilə baş tutan prosesdə qərar elan edilib.

Məhkəmə Fədayə Laçının şikayətini təmin etməyib.

Müğəninin vəkili Türkel Süleymanlı qərardan narazı qaldığını deyib. O bildirib ki, apelyasiya şikayətinin təmin olunmaması üçün əsas yox idi: "Bizim qeyd etdiyimiz arqumentlər təkzib olunmadı. Fədayə xanım istintaqa təsir göstərə bilməz".

Türkel Süıeymanlı bildirib ki, Fədayə Laçının özü də çıxış edib: "O, xəstəliyi ilə bağlı danışıb, çətin vəziyyətdə olduğunu bildirib. Fədayə Laçın cəza çəkməyə hazırdır. Səhhətindən danışıb. Deyir ki, aldadılıb".

Vəkil Fədayə Laçının Hepatit C xəstəliyindən əziyyət çəkdiyini, səhhətində irəliləyiş oımadığı deyib.

Türkel Süleymanlı ölkə başçısına müraciət edəcəyini də deyib.

Qeyd edək ki, dekabrın 13-də Nəsimi rayon Məhkəməsində hakim Babək Pənahovun sədrlik etdiyi prosesdə Fədayə Laçının vəkili Türkel Süleymanlının vəsatətinə baxılıb.

Vəkil vəsatətində Fədayə Laçın barəsində seçilmiş həbs qətimkan tədbirinin ev dustaqlığı ilə əvəz edilməsini istəyib. Məhkəmə vəsatəti təmin etməyib. Bu qərardan narazı qalan vəkil apelyasiya şikayəti verib.

İttihama görə, bu il oktyabrın 23-də Bakıda məhbusların qaçması faktı ilə bağlı Baş Prokurorluğun Ağır Cinayətlərə Dair İşlər üzrə İstintaq İdarəsində başlanan cinayət işi üzrə Fədayə Məmmədova (Fədayə Laçın) təqsirləndirilən şəxs qismində cəlb olunaraq Nəsimi rayon Məhkəməsinin qərarı ilə barəsində həbs qətimkan tədbiri seçilib.

Onun barəsində Cinayət Məcəlləsinin 304.2.1-ci (mühafizə altında olan şəxsə qaçmağa yardım etmə, qabaqcadan əlbir olan bir qrup şəxs tərəfindən törədildikdə) maddəsi ilə cinayət işi başlanılıb.

Nəsimi rayon Məhkəməsinin qərarı ilə Fədayə Laçın barəsində üç ay müddətinə həbs qətimkan tədbiri seçilib.

Faktla bağlı Baş Prokurorluğun Ağır cinayətlərə dair işlər üzrə istintaq idarəsində Cinayət Məcəlləsinin 304.2.1 (qabaqcadan əlbir olan bir qrup şəxs tərəfindən azadlıqdan məhrum etmə və ya həbs yerindən, yaxud mühafizə altından qaçma) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə cinayət işi başlanmaqla istintaq qrupu yaradılıb, dərhal təxirəsalınmaz istintaq hərəkətləri aparılıb.

Baş Prokurorluğun, Daxili İşlər Nazirliyinin və Ədliyyə Nazirliyi Məhkəmə Ekspertizası Mərkəzinin ekspertlərinin iştirakı ilə hadisə yerinin müfəssəl müayinəsi həyata keçirilib, maddi sübutlar götürülüb, şahidlər dindirilib və digər zəruri prosessual hərəkətlər yerinə yetirilib.

Əməliyyat-axtarış tədbirləri nəticəsində 23 oktyabr 2017-ci il tarixdə Bakı-Astara-Bakı planlı dəmir yolu qarovulu ilə Bakı şəhərinə müşayiət zamanı xüsusi vaqondan qaçmış, 1989-cu ildə Şirvan şəhərində anadan olmuş, əvvəllər məhkum olunmamış, Cinayət Məcəlləsinin 120.2.2 və 228.1-ci maddələri ilə təqsirləndirilən Əli Ağami Şirvan şəhərində tutularaq istintaq təcridxanasına yerləşdirilib, araşdırma aparılır.

“Qoca” ləqəbli Etibar Məmmədov isə saxlanılan zaman atışmada ölüb.

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler