Azərbaycan diaspor rəhbərinə zorakılıq edən polis əməkdaşlarına cinayət işi açıldı - FotoBölmə: Sosial
Rusiyanın Kazan şəhərində Azərbaycan diaspor rəhbəri Sərraf Kərimova zorakılıq edən mülki geyimli polis əməkdaşlarına qarşı cinayət işi başlanılıb. Xalqinfo.az xəbər verir ki, Birləşmiş Dünya Azərbaycanlıları Birliyinin Tatarıstan Respublikası üzrə rəhbəri olan S. Kərimov APA-ya bildirib ki, cinayət işi Rusiya Federal İstintaq Komitəsinin Tatarıstan Respublikası üzrə idarəsi tərəfindən açılıb. Səlahiyyətlərindən sui-istifadə edərək zorakılıq əməli törədilməsi ilə bağlı qaldırılan cinayət işi üzrə istintaq davam edir. S. Kərimov qeyd edib ki, ona qarşı zorakılıq edən polis əməkdaşları iş üzrə dindirilir, hələlik saxlanılan yoxdur: “Hansısa insidenti səbəb göstərib mənə qarşı, sonra da şəhərdə yaşayan azərbaycanlılara qarşı təhdidlər, zorakılıqlar oldu. Burada ancaq öz gücümüzə haqqımızı bərpa edə bildik. İddiam üzrə şikayət təmin olunub və iş başlanıb. Nəticəsini gözləyirik”. Qeyd edək ki, noyabrın 18-də Kazan şəhərinin Novo-Savinovskiy rayonunda mülki geyimli şəxslər S. Kərimovu zorla avtomobilindən düşürərək, ona xəsarət yetiriblər. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|