» » Kürdəmirin bu qəsəbəsi qışı qazsız keçirəcək

Kürdəmirin bu qəsəbəsi qışı qazsız keçirəcək

Bölmə: Sosial
Kürdəmirin bu qəsəbəsi qışı qazsız keçirəcək
Kürdəmir rayonunun Qarabucaq qəsəbəsinin sakinləri illərdir ki, qaz üzünə həsrət qalıb. Bakı-Qazax magistralının kənarında olan qaz xəttinin olmadığı, sakinlərinin qaz üzünə həsrət qaldığı bu qəsəbə sanki Azərbaycan dövlətinin yadından çıxmış bir məkana bənzəyir.

Xalqinfo.az-ın xəbərinə görə, Qarabucaq qəsəbəsinin sakini İlham Alışov bildirib ki, sovet dövründə də qəsəbəyə qaz xətti çəkilməyib.

Ölkəmiz müstəqillik qazandıqdan sonra da bu problem həllini tapmayıb.

İpək yolunun kənarında yerləşən bu qəsəbənin diqqətdənkənar qalması çox düşündürücüdür.

"Soyuq qış aylarında kənd sakinləri neft almaq məcburiyyətində qalırlar", - deyən İlhan Alışov bildirib ki, neftin bahalaşması sakinləri çıxılmaz vəziyyətə salıb: "Qarabucaq qəsəbəsi ilə Kürdəmir rayonunun arası cəmi 10 km-dir. Qəsəbəmiz İpək yolunun kənarında - Bakı-Qazax yolunun 201-ci km-də yerləşir. İllərdir ki, qəsəbəmiz qaz üzünə həsrət qalıb, yaxınlıqda meşə də yoxdur ki, ağaclarından gətirib yandıraq. Keçən ilə qədər neft alıb yandırmaqla birtəhər dolanırdıq, neftin bahalaşması isə bizi lap çətinə salıb, yəqin ki, bu qış lap dözülməz olacaq. Qəsəbə içməli su qıtlığı yaşanır.

Ümumiyyətlə, qəsəbəmiz sanki dövlətin yadından çıxmış bir məkandır. Necə ola bilər ki, magistiral yolla dəmir yolunun arasında olan bu qəsəbə bu qədər diqqətdən kənarda qalsın. Ucaq bir kənd olsaydıq, bunu başa düşərdik, ancaq necə deyərlər, ölkənin tən ortasında - İpək yolunun kənarında olan bir qəsəbəyə bu qədər diqqətsizliyin haradan qaynaqlandığını başa düşə bilmirik.

"Azəriqaz" İstehsalat Birliyinin İctimaiyyətlə əlaqələr şöbəsinin rəisi İbrahim Kərbəlayev Oxu.Az-a açıqlamasında bildirdi ki, cari ildə dövlət proqramına uyğun 45 yaşayış məntəqəsi qazlaşdırılıb.

"Azəriqaz" yetkilisi qeyd etdi ki, növbəti ildə Kürdəmir rayonunun Qarabucaq qəsəbəsi dövlət proqramına daxil edilərsə və maliyyə ayrılarsa, qazlaşdırma həyata keçiriləcək.

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler