“Lider”də nə baş verir? - Lamiyə işdən çıxdı + Yenilənib Aparıcı Lamiyyə Ələkbərqızının uzun illərdir çalışdığı “Lider” telekanalı ilə yollarını ayırdığı xəbəri yayılıb. “Xalqinfo” axşam.az-a istinadən xəbər verir ki, sözügedən telekanalda həm də direktor müavini kimi fəaliyyət göstərən aparıcı artıq ərizəsini də yazıb. Aparıcı ilə əlaqə saxlamağa çalışsaq da, telefonlarımıza cavab vermədi. Onun hazırda məzuniyyətdə olduğunu öyrəndik. Bəzi mənbələr isə L.Ələkbərqızının çəkilişlərdə olduğunu söyləyib. Qeyd edək ki, telekanalın rəhbəri Ədalət Əliyev sosial şəbəkədə etdiyi paylaşımla hər kəsi təəccübləndirib. O, İnstaqramda “Lider” telekanalı adından açılan saxta profillərə qarşı mübarizə apardıqlarını vurğulayıb. Ə.Əliyev rəsmi İnstaqram səhifələrini paylaşaraq “Saxta profillərə abunə olmayın. Onlara qarşı istintaq işi açılıb" sözlərini yazıb. Xatırladaq ki, L.Ələkbərqızı əvvəl AzTV-də fəaliyyət göstərib. 11 ildir "Lider" telekanalında çalışır. *** Mövzu ilə bağlı L. Ələkbərqızının mövqeyini öyrənmək istədə də, aparıcı xəbəri nə təsdiq, nə də təkzib edib. *** Əldə olunan məlumata görə, L. Ələkbərova ilə rəhbərlik arasında narazılıq yaranıb, mübahisə düşüb. O, öz istəyi ilə ərizəsini yazaraq Lider TV ilə yollarını ayırıb. *** Lider TV-nin ictimaiyyətlə əlaqələr şöbəsindən bildirilib ki, bu, kanalın daxili işidir: “İşçi qəbulu və ya hansısa işçinin işdən azad edilməsi məsələsi Lider TV-nin daxili işidir. Bir işçisinin hansı səbəbdən işdən çıxarılması və ya işə götürülməsiylə bağlı hesabat və ya açıqlama verməyi düşünmürük”. 
|
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
