Xırdalandakı işıq problemi haqda - Rəsmi açıqlamaBölmə: Sosial
Abşeron rayonu Xırdalan şəhərinin bir hissəsinin elektrik enerjisi ilə təchizatında problem yaranıb. “Xalqinfo” APA-ya istinadən xəbər verir ki, Xırdalanın 28-ci məhəllə adlanan ərazisi saat 11:00 radələrindən etibarən işıqsız qalıb. Məhəllənin sakinlərinin sözlərinə görə, "Azərişıq" ASC-nin əməkdaşları problemi aradan qaldırmaq istəsə də, 4 saatdan artıq (saat 15:10-dək - red.) vaxt ərzində buna nail olmaq mümkün olmayıb. "Artıq 4 saatdır ki, işıq üzünə həsrətik. "Azərişıq" səhər bəyan edib ki, gücləndirilmiş iş rejimində fəaliyyət göstərəcək. Amma bu bəyanatdan bir qədər sonra işıq kəsilib və hələ də işıq üzünə həsrətik", - deyə məhəllənin 16-cı binasının sakinlərindən biri bildirib. "Azərişıq" ASC-dən isə bildiriblər ki, hadisə yerində çalışan qəza xidmətinin əməkdaşları problemi aradan qaldırmaq üzrədir və elektrik enerjisinin təchizatı tezliklə bərpa olunacaq. *** “Azərişıq” ASC-nin mətbuat xidmətinin rəhbəri Tanrıverdi Mustafayev “Qafqazinfo”ya açıqlamasında deyib ki, Xırdalan şəhəri və Abşeron rayonunun bütün ərazilərində enerji təchizatı normaldır: “Küləkdə baş verən qəzalar operativ aradan qaldırılır. Fərdi qaydada öz ərazilərində hər hansı qəza baş verərsə, abonentlərimizdən 199 saylı çağrı mərkəzinə zəng etmələrini xahiş edirik”. |
XƏBƏR LENTİ
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|