İcra başçısı yumurta döyüşdürdü - FotolarBölmə: Sosial
Pirallahı rayonunda Novruz bayramı tədbirinə martın 17-də Gənclər Parkında start verilib. Xalqinfo.az-ın məlumatına görə, bayramsayağı bəzədilmiş Parka daxil olan Pirallahı rayon İcra Hakimiyyətinin başçısı Vasif İmanovu, YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadəni və digər qonaqları milli geyimli oğlan və qızlar bayram xonçası və səməni ilə qarşılayıblar. Bahar qız, Kosa və Keçəl bayram tədbirinə xüsusi rövnəq verirlər. Zurnaçalanlar dəstəsinin ifa etdiyi “Cəngi” sədaları altında Pirallahı idmançıları qonaqlara müxtəlif idman növlərinə aid nümunəvi çıxışlar nümayiş etdirirlər. Bir-birinin ardınca meydana daxil olan güləşçilər, karateçilər, samboçular, ağırlıq qaldıranlar, daş oynadanlar öz məharətlərini göstərirlər. Qol güləşdirənlərin və kəndir dartanların yarışı da maraqla qarşılanıb. Qonaqları alqışlayan el ağsaqqalı Dədə Qorqud əlindəki məşəli Vasif İmanova təqdim edib və Rayon İcra Hakimiyyətinin Başçısı bayram tonqalını alovlandırdı. Rayon ərazisində yaşayan şəhid ailələri, Qarabağ müharibəsi əlilləri, məcburi köçkünlər və digər bu kateqoriyadan olan insanların da qayğı ilə əhatə olunduğunu, bir çox ailələrə bayram sovqatı təqdim edildiyini, bugünkü bayram tədbirinin sakinlərin ürəyincə olması üçün çalışdıqlarını qeyd edən icra başçısı bundan sonra da əlbir işləməklə cənab Prezidentin qarşıya qoyduğu vəzifələrin, xüsusən Pirallahının abad, inkişaf etmiş bir rayona, Bakı şəhəri üzrə birincilərdən birinə çevrilməsi tapşırığının birgə, müvəffəqiyyətlə yerinə yetiriləcəyinə əminlik ifadə edib. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|