Maşını heç vaxt Bakıda olmayıb, amma radara düşüb - Video

Bölmə: Sosial

07 yanvar 2017 14:16 Baxış: 144 Şərh: 0 Çap

Naxçıvan Muxtar Respublikasnının Culfa rayon sakini İlqar Abdullayev Bakıda radara düşməsi barədə protokol alıb.

“Xalqinfo”nun xezerxeber-ə istinadən məlumatına görə, sürücü isə iddia edir ki, onun avtomobili heç vaxt paytaxtda olmayıb. Bəs radara kim düşüb və bu sürücüyə yazılan cəriməni kim ödəməlidir?

Protokola əsasən, sürücü keçən ilin yanvar ayının 11-də Bakıda qayda pozuntusuna yol verib.

İlqar Abdullayev bununla bağlı Naxçıvan Dövlət Yol Polis İdarəsinə müraciət edib. Ordan bildiriblər ki, sözügedən qayda pozuntusunu onun avtomobili yəni 85-BS-835 yox, 85-BS-935 dövlət nömrə nişanlı avtomobil pozub. Bununla bağlı isə Baş Dövlət Yol Polis İdarəsinə müraciət etməlidir.

Baş Dövlət Yol Polis İdarəsinin Şöbə rəisi Kamran Əliyev məsələni araşdırdıqdan sonra, həqiqətən də işıqforun qırmızı işığında İlqar Abdullayevin yox, 85-BS-935 dövlət nömrə nişanlı avtomobilin keçdiyini müəyyən edib. Şöbə rəisi bildirib ki, radarın nömrə tanıma sistemində texniki səhv olub və radarın cəriməsi digər avtomobilə yönləndirlib.

Əlaqə üçün E-mail: xalqinfo@mail.ru

BAKI. Şəfa Rasimqızı Xalqİnfo.az

Şərh Yaz