Bakıda daha bir piyada keçidinin tikintisinə başlanılıbBölmə: Sosial, İqtisadiyyat
 Bakı şəhəri Yasamal rayonunun Hüseyn Cavid prospektində yeni piyada keçidinin inşasına başlanılıb. Xalqİnfo.az xəbər verir ki, “Azəravtoyol” ASC-nin Mətbuat Katibliyindən “Report”a bildirilib ki, yeraltı olacaq piyada keçidi Hüseyn Cavid parkının qarşısında inşa edilir. “Azəravtoyol”un “Azəryolelmitədqiqatlayihə” İnstitutu tərəfindən hazırlanan layihəyə əsasən, iki giriş-çıxışlı yeni piyada keçidinin ümumi uzunluğu 57,1 metr olacaq. Buraya keçidin 21,9 metr uzunluğunda olan pilləkan hissələri və 35,2 metr olan qalereyası daxildir. Qalereyanın (keçid hissə) eni 5 metr, hündürlüyü isə 3,2 metr olacaq. Keçid xidməti otaq və təhlükəsizlik kameraları ilə təchiz olunacaq. "Piyada keçidi avtonəqliyyat vasitələrinin və piyadaların intensiv hərəkət etdiyi ərazidə inşa edilir. Məqsəd həm piyadaların rahat və təhlükəsiz şəraitdə avtomobil yollarının keçməsini təmin etmək, həm də avtonəqliyyat vasitələrinin fasiləsiz və maneəsiz hərəkətini təşkil etməkdir" - şirkətdən bildirilib. Qeyd edək ki, keçiddə fiziki qüsurli insanların hərəkəti üçün panduslar da quraşdırılacaq. Əlaqə üçün E-mail: xalqinfo@mail.ru BAKI. Şəfa Rasimqızı Xalqİnfo.az |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
