Cəlilabad su anbarı daşdı - Masallıda iki kəndi su basdıBölmə: Sosial
Masallı rayonunda iki kəndi su basıb. Xalqİnfo.az xəbər verir ki, bu barədə Trend-ə açıqlamasında Masallı rayon İcra Hakimiyyətinin Sosial-iqtisadi inkişafın təhlili və proqnozlaşdırılması şöbəsinin müdiri Nəsir Muxtarlı məlumat verib. Onun sözlərinə görə, hadisə Cəlilabad su anbarının daşması nəticəsində baş verib: "Son günlər havaların qeyri-sabit keçməsi, intensiv yağışların yağması Cəlilabad su anbarına qoşulan çaylarda suyun artması ilə nəticələnmişdi. Nəticədə su anbarında yüklənmə olub və anbar daşıb. Hadisə nəticəsində Masallı rayonunun iki kəndi - Xırmandalı və Təklə kəndlərində 150-yə yaxın evi və həyətyanı sahəni su basıb. Evlərin birinci mərtəbəsini su basıb. Su basan 50 evdə ailələri köçürmüşük. Qalan 100 evə isə baxış keçirilib, hələlik onların köçürülməsinə ehtiyac yoxdur. Hazırda Fövqəladə Hallar Nazirliyinin əməkdaşları ilə birlikdə ərazidə tədbirlər görürük. Hadisə nəticəsində dəymiş ziyan müəyyənləşdirilir". Əlaqə üçün E-mail: Xalqinfo@mail.ru Şəfa Rasimqızı Xalqİnfo.az |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|