Yağan qar Daşkəsəni işıqsız qoydu - Yenilənib Daşkəsən rayonunda yağan ilin ilk qarı şəhərin bir hissəsini işıqsız qoyub. “Xalqİnfo”nun Report-a istinadən məlumatına görə, Azərbaycanın dağlıq rayonlardan biri olan Daşkəsənə günorta saatlarından yağan sulu qar axşam saatlarında qara çevrilib. Hələlik avtomobil yollarında hərəkət dayanmasa da, ancaq güclü qarın nəqliyyat vasitələrinin hərəkətində problem yaradacağı istisna olunmur. Hazırda şəhərin bir hissəsində elektirik enerjisinin verilişində fasilə yaranıb. Buna səbəb şəhəri elektrik enerjisi ilə təmin edən transformatorlardan birinin sıradan çıxmasıdır. Hazırda baş vermiş qəzanın aradan qaldırılması istiqamətində işlər aparılır. Qeyd edək ki, hazırda Daşkəsəndə kəskin hava şəraiti davam edir və temperatur -4 dərəcədir. “Hava şəraitinin bütün ölkə boyu kəskin pisləşməsinə, iki gündür ara verməyən güclü yağışa və dağlıq rayonlarda yağan qara baxmayaraq əhalinin elektriklə təchizatında ciddi problem yaranmayıb”. Bunu virtualaz.org saytına “Azərişıq”ASC-nin mətbuat xidmətinin rəhbəri Tanrıverdi Mustafayev bildirib. T.Mustafayev Daşkəsəndə qar yağması nəticəsində elektrik təchizatının kəsildiyi haqda xəbərlərin doğru olmadığını bildirib: “Güclü küləyin ağacı yüksək gərginlikli elektrik xəttinin üstünə aşırması nəticəsində Xoşbulaq kəndinin elektrik enerjisi ilə təchizatı kəsilib. Lakin "Azərişıq" ASC-nin qəza xidməti qırılmış xətti tezliklə bərpa edib, hazırda Daşkəsənin bütün yaşayış məntəqələrində elektrik enerjisi ilə təchizat normal qaydada təmin edilir”. Əlaqə üçün E-mail: Xalqinfo@mail.ru Şəfa Rasimqızı Xalqİnfo.az |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
