Nazirlikdən Günəşlidə ağacların kəsilməsi xəbərinə - MünasibətBölmə: Sosial
“Son günlərdə Günəşli qəsəbəsində 275 və 279 saylı orta məktəblərin yaxınlığında yerləşən parkın ərazisindəki ağacların kəsilməsi faktına rast gəlinməyib”. “Xalqİnfo” xəbər verir ki, bu sözləri “Bizim Yol”a Ekologiya və Təbii Sərvətlər Nazirliyinin (ETSN) Ətraf Mühitin Mühafizəsi Departamentinin Hüquq şöbəsinin əməkdaşı Çingiz Nəcəfov bildirib. Onun sözlərinə görə, sözügedən parkda ağacların kəsilməsi faktına sonuncu dəfə bu ilin may ayında rast gəlinib: “Suraxanı rayon Polis İdarəsinin 33-cü Polis Bölməsinin təhqiqatçısı tərəfindən aparılan araşdırma zamanı ağacları Əmrahov Elçin Əziz oğlunun kəsdiyi müəyyən olunub. Həmin şəxs tərəfimizdən iyun ayında inzibati qaydada 2200 manat cərimə edilib”. Ç.Nəcəfov qeyd edib ki, hazırda ərazi nəzarət altındadır: “Bu gün də əməkdaşlarımız ərazidə olublar, ağacların kəsilməsi faktına rast gəlinməyib”. Qeyd edək ki, bu gün saat 10.00 radələrində Günəşli qəsəbəsində bir qrup sakin 275 və 279 saylı orta məktəblərin yaxınlığında yerləşən parkın ərazisindəki ağacların kəsilməsinə etiraz edib. Əlaqə üçün E-mail: Xalqinfo@mail.ru Xalqİnfo.az |
XƏBƏR LENTİ
10.03.24 10:58 | “Toplum TV” üzərindən yarım milyondan çox vəsait qeyri-qanuni Azərbaycana çatdırılıb
10.03.24 10:38 | Trampın Ukrayna ilə bağlı gizli planı – Bild
10.03.24 10:35 | Zaur Baxşəliyev, Lalə Azərtaş, Tolik, Xoşqədəm Baxşəliyeva, Elgiz Əkbər və Zaur Kamalla bağlı ŞOK YAZI
10.03.24 10:30 | Deputatın oğlu işdən çıxarıldı
10.03.24 10:25 | Tokayev sabah Bakıya gəlir
|