“Avropa Gənclər Festivalı” fotoqrafın gözü ilə -Bölmə: Sosial
 “Avropa Gənclər Festivalı” çərçivəsində şənliklər davam edir. Xalqİnfo bildirir ki, “Qafqazinfo”ya daxil olan məlumata görə, şəhərin rəqs kollektivlərinin rəngarəng rəqsləri, peşəkar musiqiçilərin Azərbaycan xalqının ən qədim musiqi alətlərində ifası şənlik iştirakçıları tərəfindən maraqla qarşılanıb. Mərasim iştirakçılarını rəmzi olaraq Nizami Gəncəvi, Məhsəti Gəncəvi, Mirzə Şəfi Vazeh və Cavad xan obrazları qarşılayıblar. Gəncə Musiqi Kollecinin, Gəncə Dövlət Filarmoniyasının xalq çalğı alətləri ansanbılı və solistlərinin, Gəncə Dövlət Kamera Orkestrı solistlərinin ifaları, milli rəqs nömrələri qonaqlar tərəfindən alqışlarla qarşılanıb. “Gəncəçay” Park Bulvar Kompleksində tədbir iştirakçıları cizgi filimlərinin qəhrəmanlarının rəqsinə tamaşa edib. Qonaqlar təsviri sənət əsərlərindən ibarət sərgi ilə tanış olublar. “Gəncəçay” Park Bulvar Kompleksindən sonra mərasim iştirakçıları əllərində Azərbaycanın üçrəngli bayrağını tutan Gəncə Avropa Gənclər Paytaxtı layihəsinin könüllülərinin müşayəti ilə “Gəncə Avropa Gənclər Paytaxtı- 2016” parkına gəliblər. Daha sonra parkda ayrılmış xüsusi yerdə xatirə ağacları əkilib. Əlaqə üçün E-mail: Xalqinfo@mail.ru Şəfa Tapdıqova Xalqİnfo.az     
|
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
