Məktəb direktorları necə seçiləcək?

Bölmə: Sosial

02 iyun 2014 17:03 Baxış: 605 Şərh: 0 Çap

Azərbaycan Təhsil Nazirliyi orta məktəb direktorlarının işə qəbulu ilə bağlı yeni qaydalar hazırlayır. ANS PRESS-in məlumatına görə, Təhsil Nazirliyinin Təhsil keyfiyyətinin qiymətləndirilməsi sektorunun müdiri Emin Əmrullayev bu gün keçirilən mətbuat konfransında deyib: "Hazırda nazirlik tərəfindən direktorların işə qəbulu qaydaları hazırlanır. Düşünürəm ki, bu ilin sonuna kimi, növbəti tədris ilindən bu istiqamətdə də bəzi yenilikləri ictimaiyyətə çatdıra biləcəyik".

Direktor kimi çalışan və gələcəkdə məktəbin idarə edilməsində fəaliyyət göstərən kadrlar üçün ötən ilin noyabr ayından keçirilməyə başlanılan təlim kursları başa çatıb.
Ümumilikdə 53 nəfər təlimdə iştirak edib. Təlimlər zamanı onlara kurikulum, təhsillə bağlı ətraflı məlumatlar verilib.

E.Əmrullayev bildirib ki, imtahan nəticələri bu həftə məlum olacaq və onlar uğur sertifikatı ilə mükafatlandırılacaqlar: "Sonradan Bakı şəhərində mövcud olan və gələcəkdə yaradılacaq rəhbər vəzifələrə təyinatlar zamanı üstünlük bu şəxslərə veriləcək".

Şərh Yaz