TQDK nəticələri açıqladı : 9 nəfər 700 bal topladı

Bölmə: Sosial, MARAQLI, MANŞET

16 iyul 2015 17:49 Baxış: 477 Şərh: 0 Çap

TQDK nəticələri açıqladı : 9 nəfər 700 bal topladı

Tələbə Qəbulu üzrə Dövlət Komissiyası (TQDK) iyul ayının 14-də ali təhsil müəssisələrinə cari ilin məzunları üçün I və IV ixtisas qrupları üzrə keçirdiyi qəbul imtahanının nəticələrini iyulun 16-da açıqlayıb.

Xalqinfo.az xəbər verir ki, imtahanda iştirak etmiş abituriyentlər TQDK-nın internet saytına daxil olaraq imtahan nəticələri və cavab kartının qrafik təsviri ilə tanış ola bilərlər.

Abituriyentlər imtahan nəticələrini həmçinin mobil telefonla iş nömrələrini 7727 nömrəsinə göndərməklə öyrənə bilərlər.

Nəticələrə əsasən, imtahanda iştirak etmək üçün sənəd vermiş 26928 abituriyentdən 1598 nəfəri imtahana gəlməyib. İmtahanda iştirak edən 25330 abituriyentdən 7 nəfəri imtahan qaydalarını pozduğu üçün nəticələri ləğv edilib. TQDK-nın internet saytında imtahanda iştirak edən 25323 abituriyentin imtahan nəticələri yerləşdirilib.

İmtahanda I ixtisas qrupu üzrə 7, IV ixtisas qrupu üzrə isə 2 abituriyent ona təqdim olunmuş bütün test tapşırıqlarına düzgün cavab verib və maksimum nəticə - 700 bal toplayıb.

Yüksək bal toplayan abituriyentlər bunlardır:

Abbasov Nihad Natiq oğlu, Məcidov Nurlan Namiq oğlu, Allahverdiyev Əli Allahverdi oğlu, İsmixanov Teymur Vüqar oğlu, Abduyev Firuz Bayram oğlu, Məmmədli İsa Elişad oğlu, Mahmudova Asya İdris qızı, Həsənli Arzu Ədalət qızı, Əliyeva Nərmin Çingiz qızı maksimum nəticə əldə edib.

İxtisas seçimi qəbul imtahanları başa çatdıqdan sonra bütün ixtisas qrupları üzrə iyulun 30-dan avqustun 11-dək aparılacaq.
Kainat Şirin
Mənbə
Publika.az

Şərh Yaz