» » Dövlət məmurlarından kimlər oruc tutur?

Dövlət məmurlarından kimlər oruc tutur?

Bölmə: Sosial, BLOK XƏBƏR, MANŞET
Dövlət məmurlarından kimlər oruc tutur?Ramazan ayının sonuncu günlərini yaşayırıq. Müsəlman aləminin xüsusi önəm verdiyi bu ayda insanlar yeyib-içməkdən imtina edərək, öz nəfslərini tərbiyə edirlər. Azərbaycanda da əhalinin bir qismi islamın vacib şərtləri sırasına daxil olan oruc tutmağa əməl edirlər. Bu sırada bəzi məmurlar və deputatlar da var.

Xalqinfo.az ölkə.Az-a istinadən bildirir ki, modern.az saytı mərkəzi icra hakimiyyəti orqanlarına rəhbərlik edən məmurlardan kimlərin oruc tutduğunu araşdırmağa çalışıb.

İqtisadiyyat və Sənaye Nazirliyinin mətbuat xidmətinin rəhbəri Abbas Əliyev nazir Şahin Mustafayevin oruc tutması haqqında məlumatlı olmadığını bildirib.

Rabitə və İnformasiya Texnologiyaları Nazirliyinin mətbuat xidmətinin rəhbəri Müşfiq Əmirov bildirib ki, nazir Əli Abbasov bir neçə gün oruc tutub.

Səhiyyə Nazirliyinin mətbuat xidmətinin əməkdaşı Səfayə Əhmədova vurğulayıb ki, nazirliyin əksər işçiləri, o cümlədən də rəhbərlikdə işləyənlər oruc tutur:

“Nazir Oqtay Şirəliyevin özünü dəqiq bilmirəm, amma bizdə oruc tutanların sayı həddindən çoxdur. Hətta nazirin müavinləri də oruc tutur. Yeri gəlmişkən, mən də oruc tuturam”.

Ədliyyə Nazirliyinin mətbuat xidmətinin rəhbəri Aydın Ağazadə qeyd edib ki, nazir Fikrət Məmmədov oruc tutmur.

Mədəniyyət və Turizm Nazirliyinin mətbuat katibi Vüqar Şıxəmmədov da bildirib ki, nazir Əbülfəz Qarayev oruc tutmur.

Əmək və Əhalinin Sosial Müdafiəsi Nazirliyinin mətbuat xidmətinin rəhbəri Elman Babayev nazir Səlim Müslümovun, Gənclər və İdman Nazirliyinin mətbuat xidmətinin rəhbəri Səmayə Məmmədova nazir Azad Rəhimovun oruc tutub-tumadığı haqqında məlumatlı olmadıqlarını qeyd ediblər.

Kainat Şirin


Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler