Daha bir bankın fəaliyyətinə son qoyuldu

Bölmə: Sosial, İqtisadiyyat

15 iyul 2015 14:21 Baxış: 318 Şərh: 0 Çap

Azərbaycanda daha bir bankın lisenziyası ləğv edilib.
Daha bir bankın fəaliyyətinə

Xalqinfo.az bildirir ki, Azərbaycan Mərkəzi Bankından (AMB) verilən məlumata görə, MB İdarə Heyətinin iyulun 10-da verdiyi 27 nömrəli qərarı ilə məcmu kapitalın minimal məbləği tələbinə əməl etmədiyinə, kreditorları qarşısında öhdəliklərini icra edə bilmədiyinə, eləcə də Mərkəzi Bankın verdiyi yazılı göstərişlərini yerinə yetirmədiyinə görə “Azərbaycan Kredit Bankı” ASC-nin bank lisenziyası ləğv edilib.

Bank lisenziyasının ləğvi barədə qərar iyulun 16 -da qüvvəyə minəcək. Məlumat verildiyi kimi, iyulun13-dən Azərbaycan Respublikası Mərkəzi Bankı tərəfindən “Azərbaycan Kredit Bankı” ASC-yə təyin olunmuş müvəqqəti inzibatçı bankda idarəetməni həyata keçirir.

Azərbaycan Respublikası Mərkəzi Bankı bir daha bildirirki, “Azərbaycan Kredit Bankı”nda əhalinin əmanətləri üçün heç bir təhlükə yoxdur və onların tam məbləğdə qaytarılması üçün bankda yetərli likvid vəsaitlər mövcuddur.

Hazırda bankda əhalinin əmanətlərinin geri qaytarılması prosesi gedir.

Qeyd edək ki, bundan ön cə də bir bankın lisenziyası ləğv edilib. Mərkəzi Bank qeyd edilən hədəflər də nəzərə alınmaqla əhalinin əmanətlərinin və digər kreditorların vəsaitlərinin təhlükəsizliyinin təmin edilməsi, bank sektorunun sabitliyinin və ona etimadın qorunması məqsədilə problemli, adekvat kapitallaşmamış, prudensial fəaliyyət göstərməyən bankların fəaliyyətinin məhdudlaşdırılmasıvə sistemdən kənarlaşdırılması üzrə davamlı olaraq tədbirlər görür.

Bu istiqamətdə növbəti addım olaraq qeyd olunan prinsipləri rəhbər tutaraq Azərbaycan Respublikası Mərkəzi Bankı İdarə Heyətinin 10.07.2015-ci il tarixli iclasında
“EvroBank” ASC-nin bank lisenziyasının ləğv edilməsi barədə qərar qəbul edilib.
Mənbə
ANS PRESS
Sizinyol.info

Şərh Yaz