Aİ Azərbaycana baş sağlığı verdi

Bölmə: Sosial

21 may 2015 15:18 Baxış: 411 Şərh: 0 Çap

Avropa İttifaqı Şurasının Prezidenti Donald Tusk Azərbaycan Respublikasının Prezidenti İlham Əliyevə telefonla zəng edib.

XALQİNFO.AZ bildirir ki,ANS PRESS-in prezidentin mətbuat xidmətinə istinadla verdiyi məlumata görə, Donald Tusk Bakıda yaşayış binasında baş vermiş yanğın nəticəsində insanların həlak olması ilə bağlı dövlətimizin başçısına və Azərbaycan xalqına başsağlığı verib.

Prezident başsağlığına və göstərilən diqqətə görə minnətdarlığını bildirib.

Telefon söhbəti zamanı Azərbaycan-Avropa İttifaqı əlaqələri ilə bağlı məsələlər müzakirə edilmişdir. Möhkəm təməllər üzərində qurulmuş bu əlaqələrin hazırda siyasi, iqtisadi, enerji, nəqliyyat və digər sahələrdə uğurla inkişaf etdirilməsi məmnunluqla qeyd olunub.

Prezident İlham Əliyev və Avropa İttifaqı Şurasının Prezidenti Donald Tusk Azərbaycan-Avropa İttifaqı əməkdaşlığının gələcək perspektivləri ətrafında da fikir mübadiləsi aparıblar.

Dövlətimizin başçısı Donald Tusku ölkəmizə rəsmi səfərə dəvət edib. Dəvət məmnunluqla qəbul edilib.
Mənbə
ANS PRESS

Şərh Yaz