3 qapılı avtobuslara son (EKSKLÜZİV)

Bölmə: Sosial

04 may 2015 14:29 Baxış: 274 Şərh: 0 Çap

Bakıda sərnişinnəqliyyatda böyük dəyişikliklər edilir.

Xalqinfo.az bildirir ki,Bakı Sərnişinnəqliyyat Məhdud Məsuliyyəti Cəmiyyətinin sərnişindaşımaları monitorinqi, lisenziya və fərqlənmə nişanlarının cəlbetmə şöbəsi müdir müavini Vüqar İbrahimlinin ANS PRESS-ə verdiyi məlumata görə, paytaxtda xidmət göstərən iritutumlu avtobuslar yığışdırılır.

Onun sözlərinə görə, 3 qapılı “Daewoo” markalı avtobular yavaş-yavaş paytaxtdan yığışdırılacaq. Onların əvəzinə 2 qapılı orta və iritutumlu avtobuslar gətiriləcək.

Qurum rəisi bildirib ki, avtobuslar texniki qüsurlarıa görə xidmətdən yığışdırılacaq: “3 qapılı “Daewoo”ların tarazlıq yastığı tez sıradan çıxır. Bu səbəbdən də, həmişə həmin avtobuslarının yan böyrü üstə əyildiyini görürdük. Onların qəzaya düşməsi ehtimalı çox olduğu üçün xəttdən yığışdırılacaq”, - deyə Vüqar İbrahimli bildirib.

Qeyd edək ki, əvvəllər 14 ədəd 3 qapılı “Daewoo” markalı avtobusun yerinə 28 ədəd 2 qapılı “Daewoo” markalı avtobus qoyulub. Həmin avtobusun qrafiki 5 dəqiqə idisə, indi onların qrafiki 2 dəqiqəyə salınıb. Bundan başqa, 14 saylı avtobus bağlanıb. Onun əvəzinə 24 saylı avtobus işləyəcək. Bağlanan avtobuslar içrisində 86 saylı marşurut xətti də var. Onun əvəzinə isə 29 işləyəcək. Bağlanan 90 saylı marşrut xəttinin əvəzinə isə 91 işləyəcək. Bundan başqa, 2, 53 saylı avtobuslar da bağlanıb.
Mənbə
ANS PRESS

Şərh Yaz